Sansar News
काठमाडौं । सत्तारुढ नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल ‘प्रचण्ड’बीच भेटवार्ता भएको छ । प्रधानमन्त्री निवास बालुवाटार उनीहरुबीच भेटवार्ता भएको हो ।
नेकपा स्रोतले जनाएअनुसार ओलीलाई भेट्न अध्यक्ष प्रचण्ड बालुवाटार पुगेका हुन् । अहिले दुई अध्यक्षबीच छलफल सुरु भएको छ ।
गत ९ दिनदेखि अध्यक्षद्वयबीच संवाद हुन सकेको थिएन । गत साउन १८ देखि २० सम्म दुई अध्यक्षबीच चलफल चलेपनि निष्कर्ष भने निस्किएको थिएन ।
स्थायी समिति बैठकका बीच प्रधानमन्त्रीसमेत रहेका पार्टी अध्यक्ष ओलीको राजीनामा मागिएसँगै नकेपाभित्र विवाद चुलिएको थियो । बहुमत पक्षधर ओलीले राजीनामा दिनुपर्ने अडानमा छन् भने ओली कुनै हालतमा कुनै पदबाट राजीनामा नदिने अडानमा छन् ।
वि.सं.२०७७ साउन २९ बिहीवार ११:४८ मा प्रकाशित
