Sansar News
२९ साउन, काठमाण्डौं । निरन्तर बढेर आइतबारदेखि ओरोलो लाग्दै आएको सुनको भाउ विहिबार फेरि उकालो लागेको छ ।
बुधबार एकैदिन ६२ सय रुपैयाँले घटेर प्रतितोला ९५ हजार ४ सयमा कारोबार भएको छापावाल सुनको भाउ आज फेरि २४ सय रुपैयाँले बढेर प्रतितोला ९७ हजार ८ सय रुपैयाँमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज तेजावी सुन प्रतितोला ९७ हजार ३ सयमा कारोबार भइरहेको छ ।
त्यसैगरी आज चाँदीको भाउ भने बढेको छ । बुधबार प्रतितोला १२१० रुपैयाँमा कारोबार भएको चाँदीको भाउ आज १२९५ रुपैयाँ प्रतितोला रहेको छ ।
वि.सं.२०७७ साउन २९ बिहीवार ११:१२ मा प्रकाशित
