Sansar News
भदौरे रिमझिम प्रकृतिमा पनि आँखामा मेरो अनि
बन्दी छु घरमा मारिने डरमा खुम्चनेछन् रहर पनि
संसारै समेटी चबाउन भनि तम्सेको छ लौ जीव
त्राही छ नभमा हाहाकार जगमा के देख्नु पर्यो ईश
बन्दगी भयो लौ संस्कार, सभ्यता आशा र इच्छा अनि
भेट्ने छु तीजमा भनेर बीचमा भेटीने आमा पनि
न संगी सँग छु रमाउन यहाँ न आमाको साथमा
तीज आयो दैलोमा दर्शैँ र भैलोमा एक्लै परे आज म
लामोथ्यो तीज त घटेर ठिक भो भन्नु पो के नै छ र
बाँचेमा भेटौँला रहर मेटौला, बसौ आ–आफ्नै घर ।
(२०७७ सालको तीजको सबैमा शुभकामना।)
वि.सं.२०७७ भदौ ३ बुधवार ०९:०५ मा प्रकाशित
