हामी सबैकाे संसारन्यूज

४ भदौ, काठमाण्डौं । नेपालमा विहिबार ( ४ भदौ ) सम्म पिसीआर प्रविधिबाट ५ लाख ६६ हजार २२० वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ११ हजार ८२३ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले विहिबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित ११ हजार ५५५ रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ८ हजार ८३ जनाको उपचार भइरहेको छ ।

जसमा देशैभरीका विभिन्न अस्पतालका आइसीयुमा ९८ जना र भेन्टिलेटरमा ४ जना उपचाररत रहेको पनि मन्त्रालयले जानकारी दिएको छ ।

साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ११ हजार हजार ७६८ रहेको छ । यो संख्या केहि दिन यता घट्दै गएको हो ।

आज थपिएका ७०७ जनासँगै नेपालमा हालसम्म संक्रमितको संख्या हजार ३९ हजार ६४५ पुगेको छ भने आज निको भएर २६५ जना डिस्चार्ज भएसँगै नेपालमा हालसम्म १७ हजार ९६४ जना कोरोना संक्रमणबाट मुक्त भएका छन् । साथ आज थपिएका ६ जनासँगै नेपालमा हालसम्म कोरोना संक्रमणबाट मृत्यु हुनेको संख्या १२६ पुगेको छ ।

त्यसैगरी देशभरका विभिन्न अस्पतालको आइसीयुमा १२९ जना संक्रमित उपचाररत छन् । मन्त्रालयका अनुसार प्रदेश १ मा ११, प्रदेश २ मा ४६, बागमती प्रदेशमा ५४, गण्डकी प्रदेशमा ६ र प्रदेश नं ५ मा १२ जना रहेका छन् ।

त्यसैगरी बागमती प्रदेशका विभिन्न भेन्टिलेटरमा ७ जना उपचाररत रहेका छन् । साथै देशैभरी कोभिड १९ संक्रमितको उपचारका लागि उपलब्ध आइसीयु बेड ९४६ र भेन्टिलेटरको संख्या ४९६ रहेको पनि मन्त्रालयले जानकारी दिएको छ ।

त्यसैगरी ५०० भन्दा बढी संक्रमित उपचार रहेको जिल्ला मोरङ। पर्सा, रौतहट, महोत्तरी, सर्लाहरी र काठमाडौं गरी ६ वटा रहेका छन् । साथै हालसम्म संक्रमित शून्य भएका जिल्लाहरु भोजपुर, मनाङ, मुस्ताङ र हुम्ला रहेका छन् ।

आज काठमाडौं उपत्यकाका दुई सयसहित ७०७ जनामा कोरोना संक्रमण
नेपालमा आज काठमाडौं उपत्यकाका २ सय जनासहित देशैभरी ७०७ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा १७४, ललितपुरमा १८ र भक्तपुरमा ८ जना संक्रमित थपिएका हुन् ।

मन्त्रालयका अनुसार आज प्रदेश १ को उदयपुमा ४, झापामा १, तेह्रथुममा ९ जना, धनकुटामा १ जना, मोरङमा ९ र सुनसरीमा १३ जना संक्रमित थपिएका हुन् ।

प्रदेश २ को धनुषामा ३१, पर्सामा ५५, बारामा ८, महोत्तरीमा १५, रौतहटमा ६, सप्तरीमा १९, सर्लाहीमा ९३ र सिराहामा २१ जना संक्रमित थपिएका छन् ।

बागमती प्रदेशको काठमाडौंमा १७४, काभ्रेमा १, चितवनमा १, दोलखामा २, धादिङमा २, नुवाकोटमा ३, भक्तपुरमा ८, मकवानपुरमा २५, ललितपुरमा १८, सिन्धुपाल्चोक र सिन्धुलीमा १/१ जनामा संक्रमण देखिएको छ ।

गण्डकी प्रदेशको कास्कीमा १९, गोर्खामा १, तनहुँमा २, नवलपरासीपूर्वमा ३, वाग्लुङमा ८ र स्याङजामा १ जना संक्रमित थपिएका छन् ।

त्यस्तै प्रदेश नं ५ को कपिलवस्तुमा ३०, गुल्मीमा ३, दाङमा ४, प्युठानमा १, बर्दियामा २, बाँकेमा १६, रुपन्देहीमा १८ र रोल्पामा १ जनामा संक्रमण पु्ष्टि भएको छ ।

कर्णाली प्रदेशको कालिकोटमा १, जाजरकोटमा १, दैलेखमा १९ र रुकुमपश्चिम, सल्यान र सुर्खेतमा १\१ जना संक्रमित थपिएका हुन् ।

सुदूरपश्चिम प्रदेशको अछाममा ३१, कैलालीमा १, डडेल्धुरामा २, डोटीमा १६ र दार्चुला, बझाङ र बैतडीमा १\१ जना संक्रमित थपिएसँगै आज देशैभरी ७०७ जना संक्रमित थपिएका छन् ।  आज थपिएका ७०७ जनासँगै नेपालमा हालसम्मको कूल संक्रमितको संख्या २९ हजार ६४५ पुगेको छ ।

आज २६५ जना डिस्चार्ज भएसँगै कोरोनाबाट निको हुनेको संख्या झण्डै १८ हजार पुग्यो
नेपालमा आज २६५ जना कोरोना संक्रमणबाट मुक्त भएर घर फर्किएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न आइसोलेशन सेन्टरहरुमा उपचाररत २६५ जना संक्रमणबाट मुक्त भएर डिस्चार्ज भएका हुन् ।

आज निको भएका २६५ जनासँगै नेपालमा कोरोना संक्रमणबाट मुक्त हुनेको संख्या १७ हजार ९६४ पुगेको छ ।

हालसम्म कुन प्रदेशमा कति निको भए त ?
प्रदेश १ मा १,१४४, प्रदेश २ मा ३,८७७, बागमती प्रदेशमा ७२४, गण्डकी प्रदेशमा १,५७५, प्रदेश नं ५ मा ४,३२८ कर्णाली प्रदेशमा १९७० र सुदूरपश्चिम प्रदेशमा ४३४६ जना गरी हालसम्म जम्मा १७ हजार ९६४ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा १,५८५ प्रदेश २ मा १५६७, बागमती प्रदेशमा ८५०, गण्डकी प्रदेशमा २,७८४, प्रदेश नं ५ मा १८३६ कर्णाली प्रदेश ६१२ र सुदूरपश्चिम प्रदेशमा २५३४ गरी जम्मा ११ हजार ७६८ जना विभिन्न स्थानीय निकायका क्वारेन्टिनमा रहेका छन् ।

यस्तो छ संस्थागत तथा होम आइसोलेसनमा रहनेको संख्या
प्रदेश अनुसार संस्थागत आइसोलेशनमा रहनेमा प्रदेश १ मा १०४५, प्रदेश २ मा १,९५३ बागमती प्रदेशमा २,९२३ गण्डकी प्रदेशमा ३१५ प्रदेश नं ५ मा ८३७, कर्णाली प्रदेशमा २५३ र सुदूरपश्चिम प्रदेशमा ७५७ जना रहेका छन् ।

त्यस्तै होम आइसोलेसनमा बस्नेहरुमा प्रदेश १ मा २५७ प्रदेश २ मा २७८९, बागमती प्रदेशमा १११, गण्डकी प्रदेशमा २७, प्रदेश नं ५ मा २४२, कर्णाली प्रदेशमा १८ र सुदूर पश्चिम प्रदेशमा २८ जना गरी जम्मा ३,७७२ जना रहेका छन् ।

संक्रमणबाट आज पर्साका ३ सहित ६ जनाको मृत्यु
कोरोना संक्रमणबाट आज थप ६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार गएको २४ घण्टामा २ महिला र ४ पुरुष गरी ६ जनाको मृत्यु भएको हो ।

मन्त्रालयका अनुसार मृत्यु हुनेमा काठमाडौंकी १ महिला, मकवानपुरका १ पुरुष, सप्तरीका १ पुरुष, पर्साका १ महिला र २ पुरुष गरी ६ जनाको मृत्यु भएको हो ।

आज थपिएका ६ जनासँगै नेपालमा कोरोना संक्रमणबाट मृत्यु हुनेको संख्या १२६ पुगेको छ ।

नेपालमा आजसम्मको कोरोना अपडेटः २८,९३८ संक्रमित, १७,७०० निको, मृतकको संख्या १२० पुग्यो