हामी सबैकाे संसारन्यूज

५ भदौ, काठमाण्डौं । नेपालमा शुक्रबार ( ५ भदौ) सम्म पिसीआर प्रविधिबाट ५ लाख ७९ हजार ८९९ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १३ हजार ६७९ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले शुक्रबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १२ हजार १३२ रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ८ हजार ५४६ जनाको उपचार भइरहेको छ । साथै होम आइसोलेशनमा रहनेको संख्या ३५८६ रहेको छ ।

साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या १२ हजार २३४ रहेको छ । यो संख्या केहि दिन यता घट्दै गएको हो ।

आज थपिएका ८३८ जनासँगै नेपालमा हालसम्म संक्रमितको संख्या हजार ३० हजार ४८३ पुगेको छ भने आज निको भएर २५० जना डिस्चार्ज भएसँगै नेपालमा हालसम्म १८ हजार २१४ जना कोरोना संक्रमणबाट मुक्त भएका छन् । साथ आज थपिएका ११ जनासँगै नेपालमा हालसम्म कोरोना संक्रमणबाट मृत्यु हुनेको संख्या १३७ पुगेको छ ।

यस्तो छ आइसीयु र भेन्टिलेटरमा रहनेको संख्या
त्यसैगरी देशभरका विभिन्न अस्पतालको आइसीयुमा १३३ जना संक्रमित उपचाररत छन् ।

मन्त्रालयका अनुसार प्रदेश १ मा १६, प्रदेश २ मा ४६, बागमती प्रदेशमा ५२, गण्डकी प्रदेशमा ६ र प्रदेश नं ५ मा १३ जना गरी जम्मा १३३ जनाजना रहेका छन् । साथै बागमती प्रदेशका विभिन्न भेन्टिलेटरमा १५ जना उपचाररत रहेका छन् ।

साथै देशैभरी कोभिड १९ संक्रमितको उपचारका लागि उपलब्ध आइसीयु बेड ९४६ र भेन्टिलेटरको संख्या ४९६ रहेको पनि मन्त्रालयले जानकारी दिएको छ ।

त्यसैगरी ५०० भन्दा बढी संक्रमित उपचार रहेका ६ जिल्लामा जिल्लामा मोरङ, पर्सा, रौतहट, महोत्तरी, सर्लाही र काठमाडौं रहेका छन् । साथै हालसम्म संक्रमित शून्य भएका जिल्लाहरु भोजपुर, मुस्ताङ, म्याग्दी र हुम्ला रहेका छन् ।

आज काठमाडौं उपत्यकाका १८२ सहित ८३८ जनामा कोरोना संक्रमण
नेपालमा आज काठमाडौं उपत्यकाका १८२ जनासहित देशैभरी ८३८ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा १४२, ललितपुरमा २५ र भक्तपुरमा १५ जना संक्रमित थपिएका हुन् ।
मन्त्रालयका अनुसार आज प्रदेश १ को इलाममा ४, उदयपुरमा २, झापामा ७, ताप्लेजुङमा १, पाँचथरमा १, मोरङमा ४५ र सुनसरीमा २९ जना संक्रमित थपिएका हुन् ।

प्रदेश २ को धनुषामा ३, पर्समा ८०, बारामा ४०, रौतहटमा ११, सप्तरीमा ५, सर्लाहीमा २४ र सिराहामा १६ जना संक्रमित थपिएका छन् ।

बागमती प्रदेशको काठमाडौंमा १४२, चितवन २३, दोलखा १, धादिङ १, नुवाकोट २, भक्तपुर १५, मकवानपुर ३२, रसुवा १, ललितपुर २५ र सिन्धुलीमा ८ जनामा संक्रमण देखिएको छ ।

गण्डकी प्रदेशको कास्कीमा १, नवलपरासीपूर्वमा १९, पर्वतमा १, मनाङमा २, बाग्लुङमा ३ र स्याङजामा १ संक्रमित थपिएका छन् ।

त्यस्तै प्रदेश नं ५ को अर्घाखाँचीमा १, कपिलवस्तुमा २, गुल्मीमा १, दाङमा ४, पाल्पामा १, प्युठानमा ६, बर्दियामा ६, बाँकेमा २०, रुपन्देहीमा १७ र रोल्पामा १ जनामा संक्रमण पुष्टि भएको छ ।

कर्णाली प्रदेशको कालिकोटमा १, जुम्लामा ५३, दैलेखमा १ र रुकुमपश्चिममा ३ जना संक्रमित थपिएका हुन् ।

सुदूरपश्चिम प्रदेशको अछाममा ३८, कन्चनपुरमा १४, कैलालीमा ८५, डडेल्धुरामा २, डोटीमा ३४ र बैतडीमा ३ जना नयाँ संक्रमित थपिएसँगै आज देशैभरी ८३८ जना संक्रमित थपिएका छन् । जसमा २९२ जना महिला र ५४६ पुरुष रहेका छन् ।

आज थपिएका ८३८ जनासँगै नेपालमा हालसम्मको कूल संक्रमितको संख्या ३० हजार ४८३ पुगेको छ ।

आज २५० जनाले कोरोना जितेर घर फर्किए
नेपालमा आज २५० जना कोरोना संक्रमणबाट मुक्त भएर घर फर्किएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न आइसोलेशन सेन्टरहरुमा उपचाररत २५० जना संक्रमणबाट मुक्त भएर डिस्चार्ज भएका हुन् ।

आज निको भएका २५० जनासँगै नेपालमा कोरोना संक्रमणबाट मुक्त हुनेको संख्या १८ हजार २१४ पुगेको छ । निको हुनेको यो संख्या ६९.८ प्रतिशत हो ।

हालसम्म कुन प्रदेशमा कति निको भए त ?
प्रदेश १ मा १,२२७ प्रदेश २ मा ४००४, बागमती प्रदेशमा ७३४, गण्डकी प्रदेशमा १,५७६, प्रदेश नं ५ मा ४,३५६ कर्णाली प्रदेशमा १९७१ र सुदूरपश्चिम प्रदेशमा ४,३४६जना गरी हालसम्म जम्मा १८ हजार २१४ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा १५०१, प्रदेश २ मा १,४२१, बागमती प्रदेशमा १,१६२,गण्डकी प्रदेशमा २,६९८, प्रदेश नं ५ मा १६७९, कर्णाली प्रदेशमा ६०३ र सुदूरपश्चिम प्रदेशमा ३१७० गरी जम्मा १२ हजार २३४ जना विभिन्न स्थानीय निकायका क्वारेन्टिनमा रहेका छन् ।

यस्तो छ संस्थागत तथा होम आइसोलेसनमा रहनेको संख्या
प्रदेश १ मा १०३९ प्रदेश २ मा १८९३ बागमती प्रदेशमा ३१६०, गण्डकी प्रदेशमा ३३९ प्रदेश ५ मा ८६७, कर्णाली प्रदेश ३१० सुदूर पश्चिम प्रदेशमा ९३८ गरी ८,५४६ जनाले विभिन्न अस्पताल तथा आइसोलेसन सेन्टरमा उपचार गराईरहेका छन् ।

त्यस्तै प्रदेश १ मा २६८ प्रदेश २ मा २,८९७ बागमती प्रदेश १११, गण्डकी प्रदेशमा २७, प्रदेश ५ मा २४२ कर्णाली प्रदेशमा १८ र सुदूर पश्चिम प्रदेशमा ३२ गरी ३५८६ जना होम आइसोलेशनमा रहेका छन् ।

कोरोना संक्रमणबाट आज एकैदिन ११ जनाको मृत्यु
नेपालमा आज एकैदिन कोरोना संक्रमणबाट १ महिलासहित ११ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार आज मृत्यु हुनेमा मोरङ, पर्सा, बारा, सप्तरी, सर्लाही, काठमाडौं, ललितपुर, चितवन, मकवानपुर, दोलखा र प्युठानमा ११ जनाको मृत्यु भएको हो ।

नेपालमा कोरोना संक्रमणबाट मृत्यु हुनेको यो संख्या अहिलेसम्मकै बढी हो । आज मृत्यु भएका ११ जनासँगै नेपालमा कोरोना संक्रमणबाट मृत्यु हुनेको संख्या १३७ पुगेको छ ।

हेर्नुहोस् यस्तो छ नेपालमा भदौ ४ गतेसम्मको कोरोना अपडेटको पूर्ण विवरण