हामी सबैकाे संसारन्यूज

आफु जन्मेको देश र जन्म दिने आमा स्वर्ग भन्दा प्यारो हुन्छ । जन्मेको देश भन्दा प्यारो अरु के हुन् सक्छ र ? हिमाल, पहाड, राष्ट्रिय गौरवको पोशाक शिरमा ढाका टोपी अनि दौरा सुरुवाल यस्तै-यस्तै राष्ट्रिय गौरव र मातृभूमी प्रति अगाध प्रेम झल्केको म्युजिक भिडिओ बिष्णु छेत्रीको ‘जय नेपाल’ बोलको गीत हालै सर्वाजनिक भएको छ ।

नेपाल चितवनमा जन्मिएका चर्चित कलाकार बिष्णु क्षेत्रीले पछिल्लो समय युरोपलाइ आफ्नो कर्मक्षेत्र बनाएका छन् । युरोपमा पोर्तुगल हुदै हाल नर्वेको राजधानी ओस्लो निवासी अत्यन्तै सरल स्वभाव र नेपाली समाजमा परिचित छन् क्षेत्री ।

जहा रहे पनि नेपाली समाजले आयोजना गर्ने कार्यक्रमममा सहभागी भएर दर्शकहरुको मन जित्न सफल कलाकार बिष्णु क्षेत्री हाल मातृभूमि प्रति अगाध प्रेमले भरिएको गीत ‘जय नेपाल’ लिएर सार्वजनिक भएका छन् ।

धन कमाउने अभिलाषा पूरा गर्न आफ्नो जन्मभूमी र आमाको न्यानो काख र भर्खर बैबाहिक सम्बन्धमा जोडिएका नवजोडी त्यागेर ठूलो संख्यामा बिदेशिएका नेपालीहरुको दुख र ब्यथाहरुको कथा हो गायक बिष्णु छेत्रीका गिती एल्बम ‘जय नेपाल’ ।

बिदेशिनु बाध्यता नेपालीहरुको नियति नै जस्तो भएकोले दिनहुँ सयौंको संख्यामा नेपालीहरु बिदेशीइ रहेका छन् । परिवारको जीवनयापन सहज बनाउने सपना बोकेर खाने, लाउने, रमाउने उमेरमा धन कमाउने र सुखी जीवन बिताउने सपना बोकेर बिदेशिदाको क्रममा बेहोर्नु परेको दुःख र पीडाको चित्रण उनको गिती भिडियोमा पाउन सकिन्छ ।

मातृभूमि प्रति अगाध प्रेम झल्केको कथा संगालिएको यस भिडियोमा अकल्पनीय घटना घटेर आफ्नो परिवार गुमाउँदा समेत फर्किन नसक्दाको पीडा समेत उत्कृष्ट ढंगले उतारिएको छ । नयाँ पुस्ताले गरेको समर्पणको साथै परिवर्तित सोचको जागरण गर्न पनि भिडियो सफल रहेको देखिन्छ ।  निकै नै मार्मिक र उत्कृष्ट बनेको कुरा युट्युवमा दर्शकहरुले दिएको प्रतिक्रियाबाट पनि सजिलै बुझ्न सकिन्छ ।

गायक बिष्णु छेत्रीको आवाज रहेको आफ्नो मिठो स्वरले सम्पूर्ण कला प्रेमीहरुको मन जित्न सफल रहने छ । उनले निकै नै मेहनत गरेको कुरा प्रस्टैसँग बुझ्न सकिन्छ । गीतको मातृप्रेम भाव अनुसार आफुलाई दरोसँग प्रस्तुत गरेका छन् क्षेत्रीले ।

साथै गीतका रचनाकार बिकाश सुवेदीले निकै नै सुन्दर तरिकाले मातृभाव पोख्न सफल रहेका छन् भने उनका हरेक शब्दहरुको छनौटले मातृभुमिप्रति माया गर्ने हरुलाई भाबुक बनाएको छ ।

यस गीतमा संगीतकार सुभाष भुषालको संगीत रहेको छ भने भिडियो आभाष आचार्य प्रोडक्सनबाट निर्माण तथा युट्वमा पनि सार्वजनिक गरिएको हो । आभाष आचार्यले गरेका भिडियोमा निर्देशक आचार्यको उत्कृष्ट निर्देशकीय क्षमता देख्न पाइन्छ भने कथा पनि निकै नै मार्मिक ढंगले बुन्न सफल भएका छन् ।

देश प्रेमको भावनालाइ समेट्दै हिमाल पहाड र हाम्रो गौरवको राष्ट्रिय पोशाक दौरा सुरुवाल ढाका टोपी अनि जय नेपाल गितको भाव सुन्दर रुपमा पस्किन सफल कथा पनि स्वयम् आचार्य कै रहेको छ । यस अघि पनि निर्देशक आचार्यले निर्माण गरेका उत्कृष्ट भिडियोहरु युट्युवमा देख्न पाइन्छ ।

भिडियोमा मुख्य प्रस्तुति महेन्द्र अधिकारी, सोनिया सिंह ठकुरी र कर्मा वाङ्गेल लामाको रहेको छ । यस अघि पनि केहि संख्यामा म्युजिक भिडियोहरुमा कलाकार महेन्द्र अधिकारीलाइ देख्न सकिन्छ । लामो समयको अन्तराल अर्थात् १२ वर्षपछि भिडियोमा काम गर्ने अवसर पाउदा खुशी लागेको कुरा कलाकार महेन्द्र अधिकारीले बताएका छन् । युरोप बसाइको क्रममा नेपाली समाजमा सधै देखिने कलाकार बिष्णु क्षेत्री यसपटक यो भिडिओ थप चर्चा र बधाईका पात्र मात्र बन्न सफल भएका छन् ।