हामी सबैकाे संसारन्यूज

१४ भदौँ, काठमाडौँ । सन्दिप लामिछाने आवद्ध टिम जमैका तलैवाजले सिपिएलमा तेस्रो जित निकालेको छ । जमैकाले आफ्नो छौठौँ खेलमा सेन्ट किट्स एण्ड नेभिस प्याट्रियोसलाई ३७ रनले पराजित गरेको छ ।

टस जितेर पहिले ब्याटिङ्ग गरेको जमैका तलैवाजले २० ओभरमा ६ विकेट गुमाउदैँ १४७ रन बनाएको थियो । जमैकाका लागि ग्लेन फिलिप्सले सर्वाधिक ७९ रन बनाएका थिए । सेन्ट किट्स एण्ड नेभिस प्याट्रियोसका लागि बलिङ्गमा रायाद एमरिटले सर्वाधिक ३ विकेट लिएका थिए ।

जमैकाले दिएको १४८ रनको लक्ष्य सेन्ट किट्स एण्ड नेभिस प्याट्रियोसले १९.४ ओभर खेल्दा पनि पुरा गर्न सकेन । सेन्ट किट्स एण्ड नेभिस प्याट्रियोसले १९.४ ओभरमा ११० रन बनाउदाँ पुरै १० विकेट गुमायो । सेन्ट किट्स एण्ड नेभिस प्याट्रियोसका लागि ब्याटिङ्गमा काइरण पवेलले सर्वाधिक २१ रन बनाएका थिए । जमैकाका लागि बलिङ्गमा भने कार्लेस ब्रेथवेटले सर्वाधिक ३ विकेट लिएका थिए ।

नेपाली युवा लेग स्पिनर सन्दिप लामिछानेले आफ्नो छैठौँ खेलमा पनि उत्कुष्ट बलिङ्ग गरेका छन । उनले आफ्नो ४ ओभरमा २७ रन दिदैँ २ विकेट निकालेका थिए ।

त्यसैगरी हिजो बेलुका भएको अर्को खेलमा ट्रिनबागो नाइट राइडर्सले बार्बडोस ट्राईडेन्सलाई २ विकेटले पराजित भएको छ ।