हामी सबैकाे संसारन्यूज

१५ भदौ, मकवानपुर । वाग्मती प्रदेशको राजधानी हेटौँडामा रु ४१ करोडको लागतमा प्रादेशिक कृषि थोकबजार निर्माण गरिने भएको छ ।

हेटौँडा उपमहानगरपालिका– ११ थानाभञ्ज्याङमा प्रादेशिक कृषि थोकबजार निर्माण गर्ने समझदारीपत्रमा प्रदेश कृषि विकास निर्देशनालय हेटौँडा र उपमहानगरपालिकाबीच समझदारीपत्रमा हस्ताक्षर भएको हो ।

उपमहानगरपालिकाका प्रमुख हरिबहादुर महत तथा निर्देशनालयका निर्देशक रवीन्द्रबहादुर प्रधानले हस्ताक्षर गरेको बताइएको छ । थोकबजार निर्माणका लागि प्रदेश सरकारको ७० प्रतिशत र उपमहानगरपालिकाको ३० प्रतिशत लगानी हुने छ ।

सो अवसरमा उपमहाननगर प्रमुख महतले किसानले उत्पादन गरेको तरकारी र फलफूल भण्डार तथा बिक्री गर्नका लागि प्रदेश थोक कृषि केन्द्रका रूपमा थोकबजारलाई विकसित गरिने वताए । निर्देशक प्रधानले तत्काल ग्लोबल टेण्डरमा गएर काम शुरु गरिने जानकारी दिए ।