हामी सबैकाे संसारन्यूज

१६ भदौ, काठमाडौं । गण्डकी प्रदेशमा १४ दिने बालकसहित थप ३९ जनामा कोरोना संक्रमण पुष्टि भएको छ ।

क्षयरोग उपचार केन्द्र पोखरा र पोखरा स्वास्थ्य विज्ञान प्रतिठानमा गरिएको परीक्षणमा लमजुङका २६ जना, नवलपुरका १० जना, बागलुङका १ र कास्कीका २ जना गरेर ३९ जना संक्रमित थपिएका हुन् ।

प्रदेशको स्वास्थ्य निर्देशनालयका अनुसार आज थपिएकामा लमजुङ बेसीशहरको सामुदायिक अस्पतालमा उपचाररत १४ दिने नाबालकसहित ५५, २६, २२ वर्षका पुरुष र २८ वर्षीया महिला गरेर ५ जना, वेसीसहरमा कार्यरत ५३, ३०, २८, २६, २५, २२, ३७, २३ वर्षीय परुष र २२ वर्षीया महिला पनि संक्रमित भएका छन् । साथै बेसीशहर ७ का ३०, २८, ३०, ४३, ४५,२८,२६ र ५१ वर्षीया महिला र ३०, १६ र ३८ वर्षीय पुरुष गरी जम्मा २६ जना संक्रमित भएका हुन् ।

त्यसैगरी नवलपुर (बर्दघाट सुस्ता पूर्व) को विनय त्रिवेणी १ की ११ वर्षीया बालिका र २६ वर्षीय पुरुष, १३ का १४ र ५० वर्षीया महिला, देवचुली १६ की ६ वर्षीया बालिकासहित ५५ र २७ वर्षीया महिला, १ का ५३ वर्षीय पुरुष र २४ वर्षीया महिला संक्रमित भएका छन् ।

त्यसैगरी बागलुङ १० का २५ वर्षीय पुरुष, पोखरा महानगरपालिका ६ का ४५ वर्षीया महिला र १३ का २४ वर्षीय पुरुष पनि संक्रमित भएका छन् ।

आज थपिएका ३९ जनासँगै गण्डकी प्रदेशमा कोरोनाबाट संक्रमण हुनेको संख्या २२०५ पुगेको छ ।