Sansar News
१६ भदौ, काठमाडौं । गतसाता निरन्तर घटेको सुनको भाउ यो साता भने साताको सुरुवातीदेखिनै निरन्तर बढ्न थालेको छ ।
सोमबार ३ सय रुपैयाँले बढेर ९७ हजार ५ सय रुपैयाँमा कारोबार भएको छापावाल सुनको भाउ बुधबार भने एकैदिन ९ सयले बढेर प्रतितोला ९८ हजार ४ सय रुपैयाँमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज तेजावी सुनको भाउ प्रतितोला ९७ हजार ९ सय रुपैयाँमा कारोबार भइरहेको छ भने चाँदी प्रतितोला १३ सय ९५ रुपैयाँमा कारोबार भइरहेको छ । सोमबारको तुलनामा चाँदीको भाउमा ३० रुपैयाँ वृद्धि भएको हो ।
वि.सं.२०७७ भदौ १६ मंगलवार १४:०३ मा प्रकाशित
