हामी सबैकाे संसारन्यूज

१९ भदौ, बुटवल । कोरोना संक्रमणबाट रुपन्देहीमा एक पुरुषको मृत्यु भएको छ ।

बुटवल उपमहानगरपालिका वडा नं ८ निवासी ७८ वर्षीय पुरुषको उपचारका क्रममा मृत्यु भएको हो ।

भदौ ४ गते ज्वरो खोकी र स्वास प्रश्वासको समस्या भएपछि लुम्बिनी प्रादेशिक अस्पतालमा उपचारका लागि पुगेका उनलाई परीक्षणका क्रममा कोरोना पोजेटिभ देखिएको थियो ।

कोरोना विशेष अस्पतालमा ९ दिनसम्म भेन्टिलेटरमा राखेर उपचार गरिएका उनको शुक्रबार विहान ९ बजे मृत्यु भएको लुम्बिनी प्रादेशिक अस्पतालले जानकारी दिएको छ ।

आज मृत्यु भएका ७८ वर्षीय पुरुष सँगै  कोरोना विशेष अस्पताल बुटवलमा उपचारका क्रममा मृत्यु हुनेको संख्या  संख्या १० पुगेको छ ।