Sansar News
१९ भदौ, काठमाडौं । गण्डकी प्रदेशमा ७ प्रहरी सहित थप ४० जनामा कोरोना संक्रमण पुष्टि भएको छ ।
प्रदेशको स्वास्थ्य निर्देशनालयका अनुसार पोखरा स्वास्थ्य विज्ञान प्रतिष्ठान र पोखरा क्षयरोग केन्द्रमा गरिएको परीक्षणमा आज नवलपरासीपूर्वका १७, कास्कीका १६, तनहुँका १, लमजुङका ३, तनहुँका २, बागलुङका १ र स्याङजाका १ गरी ४० जनामा संक्रमण पुष्टि भएको हो ।
आज तनहुँको भानु नगरपालिका ७ की ५५ वर्षीया महिला, पोखरा महानगरपालिका १२ की २८ वर्षीया महिला, १० का २३, २६ र २४ वर्षीय ३ पुरुष, २७ का १८ र ४७ वर्षीय २ पुरुष, १४ का २५ वर्षीय पुरुष, ५ का ५० वर्षीय, ३० का २८ वर्षीय र वडा नं १५ मा कार्यरत २६, ३१, २८, २९, २६, २९, २७ वर्षीय ७ पुरुष (जो नेपाल प्रहरीमा कार्यरत छन्) । संक्रमित भएका छन् ।
त्यस्तै लमजुङ मध्यनेपाल १ का ३९ वर्षीय पुरुष, राइनाश ९ की ३९ वर्षीया महिला र ५५ वर्षीय पुरुष, स्याङजा कालिगण्डकीका २८ वर्षीय पुरुष, बागलुङ ताराखोला ३ का ४२ वर्षीय पुरुष र तनहुँको म्याग्दे गाउँपालिकाकी २६ वर्षीया महिलामा पनि संक्रमण पुष्टि भएको छ ।
त्यस्तै नवलपरासी (बर्दघाट सुस्तापुर्व) गैडाकोट १ का ५२ वर्षीय र २६ वर्षीय २ पुरुष गरेर ३ जना र १८ वर्षीया महिला, ५ का ५७, २५ र २९ वर्षीय ३ पुरुष र ५९ र २८ वर्षीया २ महिला, ४ का ४२ वर्षीय पुरुष र २० वर्षीया महिला, २ का ३५,३६,४० र ४८ वर्षीय ४ पुरुष तथा ४५ वर्षीया महिला तथा देवचुली नगरपालिका ७ का ३५ वर्षीय पुरुष गरेर ६ जिल्लामा ४० संक्रमित थपिएका हुन् । आज थपिएका ४० जनासँगै गण्डकी प्रदेशमा हालसम्म संक्रमितको संख्या २३५२ पुगेको छ ।
वि.सं.२०७७ भदौ १९ शुक्रवार १०:२८ मा प्रकाशित
