Sansar News
काठमाडौं । अभिनेता सुशान्त सिंह राजपूतको मृत्यु प्रकरणमा अनुसन्धानको लागि गिरफ्तारीमा परेकी अभिनेत्री रिया चक्रवर्तीको जमानत निवेदन खारेज भएको छ । शुक्रबार मुम्बईको सेशंस अदालतले रियाको जमानत निवेदन खारेज गरेको हो ।
अदालतले रियासहित मृत्यु प्रकरणमा जोडिएका अन्य ६ को पनि जमानत निवेदन खारेज गरिदिएको छ ।
अदालतका न्यायधिस जेबी गुरवले अपराध गम्भीर खालको भएको भन्दै जाँचको आवश्यकता देखाएको छ । यता रियाका वकील सतीश मानशिन्देले भने अर्को कदम चाल्ने बताएका छन् । जनाइएअनुसार उनले आगामी हप्ता उच्च अदालतमा अपील गर्न सक्नेछन् ।
मृत्यु प्रकरणको अनुसन्धान गरिरहेको नार्कोटिक्स कन्ट्रोल ब्यूरो ९एनसीबी०ले रिया चक्रबर्तीलाई गत ८ सेक्टेम्बरमा गिरफ्तारी गरेको थियो । जसपश्चात नार्कोटिक्सले १४ दिन (२२ सेक्टेम्बर)सम्मको लागि रियालाई न्यायिक हिरासतमा पठाएको थियो ।
हाल रिया मुम्बईको भायकुला जेलमा छिन् । रियाका वकील सतीश मानशिन्दले बुधबार रियाको जमानतबारे निवेदन गरेका थिए ।
हालसम्म सुशान्त सिंह राजपूत मृत्यु प्रकरणमा ड्रग्स प्रयोगको विषय महत्वपूर्णं रुपमा अगाडि आएको छ । जसबारे अनुसन्धान गरिरहेको नार्कोटिक्स कन्ट्रोल ब्यूरो ९एनसीबी०ले अभिनेत्री रिया चक्रवर्तीसहित १० जनामाथि अनुसन्धान गरिरहेको छ ।
सम्बन्धित समाचार
रिया चक्रबर्तीको बारेमा आज फैसला हुने, के रिया फेरी जेलमै जालिन् ?
वि.सं.२०७७ भदौ २६ शुक्रवार १३:५२ मा प्रकाशित
