Sansar News
काठमाडौं । अभिनेता सुशान्त सिंह राजपूत मृत्यु प्रकरणमा गिरफ्तारीमा परेकी अभिनेत्री रिया चक्रवर्तीको जमानत निवेदनबारे आज फैसला हुने भएको छ । भारतीय सञ्चार माध्यमले जनाएअनुसार चक्रवर्तीको विषयमा मुम्बईको सेशंस अदालतमा आज फैसला हुँदैछ ।
मृत्यु प्रकरणमा अनुसन्धानको घेराभित्र परेकी रिया हाल न्यायिक हिरासतमा छिन् ।
रियालाई भारतको नेशनल क्राइम ब्यूरोले ड्रग्सको प्रयोग मुद्दामा गिरफ्तारी गरेकाे थियो । जसपश्चात अदालतले १४ दिनको लागि २२ सेक्टेम्बरसम्म न्यायिक हिरासतमा पठाएको थियो । हाल उनी भायकुला जेलमा न्यायिक हिरासतमा छिन् ।
रियाका वकील सतीश मानशिन्दले बुधबार रियाको जमानतबारे निवेदन गरेका थिए ।
हालसम्म सुशान्त सिंह राजपूत मृत्यु प्रकरणमा ड्रग्स प्रयोगको विषय महत्वपूर्णं रुपमा अगाडि आएको छ । जसबारे अनुसन्धान गरिरहेको नार्कोटिक्स कन्ट्रोल ब्यूरो (एनसीबी)ले अभिनेत्री रिया चक्रवर्तीसहित १० जनामाथि अनुसन्धान गरिरहेको छ ।
वि.सं.२०७७ भदौ २६ शुक्रवार १२:२८ मा प्रकाशित
