हामी सबैकाे संसारन्यूज

२६ भदौ, काठमाडौं । बीमा कम्पनी जनरल इन्स्योरेन्सको प्राथमिक कित्ता सेयर निस्कासन (आईपिओ) को आबेदन स्विकृत भएको छ । बिहिबार धितोपत्रबोर्डले उसले मागेको अनुमतीलाई स्विकृती प्रदान गरेको हो । गत असार ५ गते उसले धितोपत्र बोर्डमा सेयर निस्कासनको अनुमति माग्दै आबेदन दिएको थियो ।

अब उसले रु ३० करोड बराबरको ३० लाख कित्ता सेयर निस्कासन गर्न पाउने छ । त्यसको ५ प्रतिशत कर्मचारीहरुको लागि तथा ५ प्रतिशत सामूहिक लगानीकोषको लागि छुट्याएर बाँकी २७ लाख कित्ता सेयरमा सर्बसाधारणले आबेदन दिन पाउने छन् ।
नियामक निकाय बिमा समितिले निर्जीवन बीमा कम्पनीहरुको चुक्ता पूँजी १ अर्ब हुनु पर्ने अनिबार्य व्यवस्था गरेको छ । सोहि अनुसार कम्पनीले सेयर निस्कासन मार्फत चुक्ता पूँजी १ अर्ब पुर्याउन लागेको हो ।

कम्पनीको हालको चुक्ता पूँजी ७० करोड रुपैंयाँ रहेको छ । सेयर निस्कासन मार्फत उसले ३० करोड रुपैंया पूंजी थप गर्दै १ अर्ब चुक्ता पूँजी पुर्याउन लागेको हो । २०७५ असार ६ गतेबाट आफ्नो सेवा सुरु गरेको यो कम्पनीले गत आर्थिक बर्ष २०७६/७७ मा ५४ हजार ९४१ बिमालेख जारी गरेको थियो जस वापत उसले ५३ करोड६८ लाख २१ हजार रुपैंयां आम्दानी गरेको थियो भने २६ करोड ६५ लाख २५ हजार दावी भुत्तलानी गरेको थियो ।

अबको १५ दिनमा सर्बसाधारणको लागि सेयर निस्कासन गरिने कम्पनीका सिईओ एसके तमोटले जानकारी दिएका छन् ।
“बुधबारमात्र धितोपत्र बोर्डले सेयर निस्कासनको स्विकृत दिएको छ,।” सिईओ तमोटले भने, “अब कम्पनी रजिस्टारको कार्यालयमा सुचिकृत गरेपछि जतिसक्दो चाँडो सेयर जारी गर्छौं ।”

कम्पनीले सेयर निस्कासन तथा बिक्री प्रबन्धकमा एनआईबिएल एस क्यापिटल लाई नियुक्त गरेको छ ।