Sansar News
काठमाडौं । विश्व हिन्दु महासंघले सम्पूर्णं देवस्थलहरु तत्काल खुला गर्न माग गरेको छ । महासंघकी महासचिव अस्मिता भण्डारीले साेमबार एक प्रेस बिज्ञप्ति जारी गरी सरकारको निर्णय सच्याउन माग गरेकी हुन्र ।
“संसारको एक मात्रै हिन्दु अधिराज्यको पहिचान भएको हाम्रो देश संसार भरिका हिन्दु ओमकार परिवारको आस्थाको देश बुझ्दाबुझ्दै राजनीति दलका केही नेताहरूले विदेशीको प्रलोभनमा परी धर्मनिरपेक्ष गरि हिन्दु धर्मावलम्बीको भावनामा चोट पुर्याएकोमा धर्मनिरपेक्षताका विरुद्धमा सम्पूर्ण हिन्दु ओमकार परिवार एकजुट रहेका छौं ।’ भण्डारीले विज्ञप्तिमा भनेकी छन् ।
हाल कोभिड १९ को कारण लामो समयसम्म लकडाउन र निषेधाज्ञा गरी सम्पूर्ण मठ, मन्दिर, देवस्थलहरू बन्द गरिएको छन् भने हाम्रो जस्तो बहुभाषिक, बहुजातीय, बहुसांस्कृतिक मुलुकमा सम्पन्न हुँदै आएका परम्परागत देवी देवताका जात्रा पूजाहरू समेत रोक्ने प्रयास नेपाल सरकारबाट गरिँदै आएको भन्दै उनले आपत्ति जनाएकी छन् ।
वि.सं.२०७७ असोज ६ मंगलवार १४:३९ मा प्रकाशित
