हामी सबैकाे संसारन्यूज

१.
जान रहे पो हजुर, जहान रहन्छ,
नाम, दाम अनि पहिचान रहन्छ ।
जीवन रहुञ्जेल, संसार आफ्नो,
मरेपछि न सालि न जेठान रहन्छ ।
२.
मान्छे पनि यो कि त्यो, कित्तामा हुन्छ,
कोहि मालामाल कोहि रित्तामा हुन्छ ।
जीवनभरि सम्पतिका लागि झेल गर्छ,
मरेपछि नाङ्गै दाउराको चित्तामा हुन्छ ।
३.
बोल्नेको हजुर यहाँ पिठो पनि बिक्छ,
जान्ने हो भने, बोली मीठो पनि बिक्छ ।
अलि बोल्ने तरिकामात्र जान्नुपर्छ यहाँ,
सडे गलेको खराब तितो पनि बिक्छ ।
४.
जानी अन्जानी जोसंग भुल पनि हुन सक्छ,
एउटा गल्तिले योजीवन सुल पनि हुन सक्छ ।
कसैले प्रेमले फूल दिदैमा मख्ख नपर्नु होला,
किन कि हजुर, बिषालु फूल पनि हुन सक्छ ।
५.
आफ्नै बडाई, चडाई र मपाई राम्रो हुँदैन,
चाकरी गर्न ज्यु, हजुर र तपाई राम्रो हुँदैन ।
आफैसंग भएको क्षमता तिखार्नु होला,
किन कि हजुर, यो चैते रोपाई राम्रो हुँदैन ।