Sansar News
लुकेर हान्यो छुरा तिखारी
मुहार छोप्यो थियो सिकारी
रहस्य खुल्दा रहेछ अर्कै
अचम्म हुन्छन् नकावधारी
निरीह बन्दै खटेँ सदैव
चल्यो गुलेली ढल्यो छहारी
असाध्य ठूलो करेँत पालेँ
सुधार्न खोज्छु जहर उतारी
लुटेर हाँस्ने स्वभाव राख्छन
बरिष्ठ बन्छन् कुरा बटारी
कतै रहन्नन् प्रसन्नतामा
पुग्यो अधर्मी समुद्र पारी
सधैँ तमासा गरेर डस्छन्
लुके अधर्मी लुटेर नारी
ल रोक भन्ने कतै रहेनन्
कुकर्मतामा घुम्यो मदारी
छ शुन्य बेला छ शुन्य आशा
खुशी हुरीले लग्यो बढारी
बहर-मुतकारिब मकबुज असलम
रुक्नः मुफाइलातुन् मुफाइलातुन्
वि.सं.२०७७ असोज १७ शनिवार ०८:१६ मा प्रकाशित
