हामी सबैकाे संसारन्यूज

जब दशै आउँछ
छिट्टै घर आउ है भन्छेउ आमा
अहिले देशलाई अफ्ट्यारो परेको छ
म छुट्टी पाउँदिन आमा
मेरो बाटो कुरि नबस्नु है
टीका जमरा सजाई नबस्नु
यसपाली पनि
म घर आउन पाउँदिन आमा ।

म तिम्रो छोरा हुँ
तर राष्ट्रको लागि एक जिम्मेवार रक्षक,
कसैको प्राण बचाउनु छ,
कसैको लास जलाउनु छ
दुनियाँ रोएको पल
म टीका जमरा लाउदिन आमा
सानो मन नगर्नु होला आमा
यसपाली पनि घर आउदिन आमा ।

बेशीमा धान झुल्थ्यो
डाँडामा मखमली फुल्थ्यो,
म घर आउने पल निकै रमाइलो हुन्थ्यो
देशनै रोएको पल
देउसी भैलो गाउँदिन आमा
बहिनिलाई मखमली नगाँस्न भन्नू
यसपाली म घर आउदिन आमा ।

कसम खाएको छु
कर्तव्य र जिम्मेवारीले जीवन सजाउँछु
आफू मरेर देश र जनता बचाउँछु
यस्तो बेला,
आफन्तसंग भलाकुसारी भ्याउदिन आमा
दशै फेरि पनि आउँछ
यसपाली म घर आउदिन आमा ।

साथिभाइलाई भन्दिनु
सेवामा खट्दै छरे
विपदको आँसु पुछ्नलाई जुट्दै छ रे
जनताको आँसु बगेको पल
खुशी बाड्न पाउदिनँ आमा
वीर छोरामा गर्व गर्नु
सम्झिसम्झि नरुनु
यसपाली पनि म घर आउदिन आमा ।

बेशीमा धान झुल्थ्यो
डाँडामा मखमली फुल्थ्यो,
म घर आउने पल निकै रमाइलो हुन्थ्यो
देशनै रोएको पल
देउसी भैलो गाउँदिन आमा
बहिनिलाई मखमली नगाँस्न भन्नू
यसपाली म घर आउदिन आमा ।

घर परिवारको माया मनभरी साँचेको छु
कुनै दिन खुशी लिएर आउने छु
सारा विपत संकट निम्ट्याएर
फेरि हर्षको गीत गाउने छु
देशमा शोक परेको बेला
निधारमा टीका लाउँदिन आमा
मेरो बाटो हेर्दै
नरुनु है
यसपाली घर आउदिन आमा ।