हामी सबैकाे संसारन्यूज

नेपाल आदिवासी जनजाति महासंघ अमेरीका (फिप्ना) ले साँस्कृतिक विभाग गठन गरेको छ ।  अक्टुबर ३ मा फिप्नाको कार्यलयमा बसेको नेपाली अमेरीकन कलाकारहरूको विशेष भेलाद्वारा फिप्ना सांस्कृतिक विभाग गठन गरिएको हो ।

फिप्नाका अध्यक्ष लोक चेम्जोङको अध्यक्षतमा बसेको बैठकमा सल्लाहकार लिला सिंगक र डण्डु शेर्पाद्वारा विशेष सम्बोधन भएको थियो ।
नेपाली आदिवासी कलाकारहरूहरूलाई संगठित गर्दै नेपाली कला संस्कृतिको संरक्षण संम्बर्धन तथा प्रवर्धन गर्ने उद्धेश्यले संगठनको आवश्यक रहेकोले गठन गरिएको फिप्नाका अध्यक्ष लोक चेम्जोङले बताए ।

महासचिव नरेन्द्र थापाको संचालन रहेको उक्त कार्यक्रमले फिप्नाको उपाध्यक्ष तथा तामाङ सोसाइटी अफ अमेरीकाकी अध्यक्ष गोमा योन्जनको संयोजकत्वमा नेपाल आदिवासी जनजाति महासंघ अमेरीका (फिप्ना ) सांस्कृतिक विभाग गठन गरेको हो ।

संगठनको सहसंयोजकमा फरा डेण्डी शेर्पा, सहसंयोजकमा जित गुरूङ र प्रेम राई, सदस्य सचिवमा सुमन थाम्सुहाङ र सदस्यहरुमा देण्डी शेर्पा फिन्जो शेर्पा, एन्सर्ज गुरूङ,राजेन्द्र राई,चाँदनी लामा, सेन्थुन लामा, गणेश राई, रिंन्जी डोमा, रमेश सुनुवार, लाजिमा सुब्बा, टेकमिलन पुन र येसी ल्हमो, दावा शेर्पा रहेका छन् ।