हामी सबैकाे संसारन्यूज

अध्यात्मिक व्यक्ति
गलत बाटोलाई नछोईकन
उस्ले चेतनाको मार्गलाई संगाल्छ
सबै गलतकाम आफै छुट्दै जान्छ
समाधिस्थ व्यक्ति
उस्को भित्र समाविष्ट हुँदैजान्छ
ज्ञान, कर्म, भक्ति र धर्म
सबै उस्को हुँदैजान्छ ।
मंदिर, मस्जिद, गुम्बा र गुरुद्वार
उस्का लागी फरक हुदैनन्
उस्को भित्रमा यस्तो निर्मल ज्ञान हुन्छ
द्वेत र अद्वेत एकै हुन जान्छ ।
मनुष्य अध्यात्म बन्नसके
शरीरबाट परमात्मा प्राप्ति गर्न सक्छ
र उस्ले,
सृष्टि भन्दा पूर्व सृष्टि थिएन
पछि सृष्टि रहदैन भन्ने कुराको
निर्णय गर्न सक्छ ।
न निद्रा न भोक न तृष्णा न ईर्ष्या
न जाडो न गर्मी न दुःख न सुख
कठोर व्यथा झर्को नमानि
प्राण प्रण लगाई निस्वार्थ प्रेम गर्दै
आफ्नो र परिवारको
अनि समाजको उद्धार गर्न पछि पर्दैन
अध्यात्मिक व्यक्ति ।