Sansar News
काठमाडौं । दशैंको बिदा पछि बुधबार खुलेको सेयरकारोबार मापक नेप्सेमा हरियाली छाएको छ । बुधबारको परिसूचक दाहोरो अंकले बृद्धिहुँदा यस्तो अबस्था आएको हो ।
बुधबार नेप्से ४१.२ अंकले बढेर १६४७.४५ बिन्दुमा पुगेको छ । त्यस्तै ठूला कम्पनीहरुको कारोबार मापक सेन्सेटिभ पनि ९.२१ अंकले बढेर ३२७.७६ बिन्दुमा पुगेको छ ।
आज सूचिकृत मध्ये १८८ कम्पनीको २ अर्ब ७२ करोड ५९ लाख ९४ हजार ६९ रुपैंयाँ बराबरको ९३ लाख २२ हजार ५ कित्ता सेयर किनबेच भएको नेप्सेले जनाएको छ । तिनको करोबारमा ४२ हजार ६ सय १८ पटक लेनदेन भएको छ ।
आजको कारोबारमा ब्यापार बाहेक सबै १२ वटै कम्पनी उपसूचक समूहको परिसूचक उकालो लागेको छ । ती मध्ये जीवन बीमा कम्पनी समूहको सूचक सबैभन्दा धेरै ११०.६८ अंकले बढेको छ ।
कम्पनी तर्फ सबैभन्दा धेरै प्राईम कमर्सियल बैंकका लगानीकर्ताहरुले (३०) कमाएका छन् । त्यस्तै नेपाल फाईनान्स (२०), सिटीजन्स बैंक लिमिटेड (२१) लगायतका लगानीकर्ताहरुले कमाउँदा विजया लघुबित्त(१८), जनरल ईन्स्योरेन्स(११)लगायतका लगानीकर्ताहरुले गुमाएका छन् ।
आजको कारोबारमा १३२ कम्पनीका लगानीकर्ताले कमाउँदा २५ कम्पनीका लगानीकर्ताले गुमाएका छन् । त्यस्तै ११ कम्पनीको करोबारमा कूनै पनि परिवर्तन देखिएको छैन ।
वि.सं.२०७७ कात्तिक १२ बुधवार १५:५१ मा प्रकाशित
