Sansar News
२२ कात्तिक, काठमाडौं । मेगा बैंक नेपालको आधिकारिक ट्रेड युनियन ‘मेगा बैंक कर्मचारी युनियन’ को अध्यक्षमा पुनः कृति वाग्ले दोहोरिएका छन् ।
शनिबार सम्पन्न युनियनको दोस्रो महाधिवेशनले वाग्लेलाई पुनः दोस्रो कार्यकालका लागि अध्यक्षमा चयन गर्दै ११ सदस्यीय नयाँ कार्यसमिति चयन गरेको हो ।
नयाँ कार्यसमितिको उपाध्यक्षमा अशोक बुढाथोकी, महासचिवमा चन्द्रकान्त न्यौपाने, सचिवमा शिवहरि भण्डारी र कोषाध्यक्षमा रोजी श्रेष्ठ चयन भएका छन् ।
यसैगरी सदस्यमा दिक्षान्त अर्याल, विजय तिमिल्सिना, आशिष श्रेष्ठ, भोजराज जोशी, रामेश्वर घिमिरे र श्यामकृष्ण श्रेष्ठ रहेका छन् । नयाँ कार्यसमितिले शनिबारनै प्रमिष नेपाललाई सदस्यमा मनोनित गरेको थियो ।
युनियनको शनिबार सम्पन्न सो महाधिवेशनमा अध्यक्ष कृति वाग्लेले अध्यक्षको तथा आर्थिक प्रतिवेदन प्रस्तुत गरेका थिए । उक्त प्रतिवेदनमाथि अधिवेशनका प्रतिनिधिहरूको व्यापक छलफलपछि पारित गरिएको छ ।
वि.सं.२०७७ कात्तिक २४ सोमवार १८:२१ मा प्रकाशित
