हामी सबैकाे संसारन्यूज

२५ कात्तिक, काठमाडौं । मंगलबारको कारोबार शुरु भएसँगै उकालो लागेको सेयर कारोबार नेप्से परिसूचक २५ दशमलव ९८ अंकले बढेर १ हजार ७ सय ७८ दशमलव ७९ अंकमा पुगेर रोकिएको छ ।

मंगलबारको कारोबारले दशैं पछिको नयाँ रेकर्ड काएम गरेको छ । ‘क’ वर्गको कारोबार मापन गर्ने सेन्सेटिभ इन्डेक्स पनि मंगलबार १.५५ प्रतिशतले बढेको छ ।

दिनभर १९६ कम्पनीका ३८ हजार ६ सय ३४ कारोबारबाट हुँदा ९६ लाख ५७ हजार ६ सय ७७ कित्ता सेयर किनबेच भएका छन् । जसअनुसार कारोबार रकम ४ अर्ब ९ करोड ६१ लाख ९० हजार २ सय ५६ रुपैयाँ पुगेको छ ।

मंगलबार पनि जीवन बिमा कम्पनीका लगानीकर्ताहरुले सबैभन्दा धेरै कमाएका छन् । जीवन बिमा उपसमूह ४७६.३६ अंकले बढेर १० हजार २ सय ५१ दशमलव २२ अंकमा पुगेको छ ।