हामी सबैकाे संसारन्यूज

२६ कात्तिक, बेलायत । बेलायतको अल्डरशटमा आयोजित रिमेम्बरेन्स परेडमा ग्रेटर रशमोर नेपाली कम्युनिटी (जीआरएनसी) ले पनि सहभागिता जनाएको छ ।

कोरोना महामारीका बीच पनि उच्च सावधानीका साथ अल्डरसट ग्यारिजनले नोभेम्बर ८ मा आयोजना गरेको उक्त परेडमा समाजले पनि सहभागिता जनाएको हो ।

समाजका अध्यक्ष रामधन राईका अनुसार रशमोर बरो काउन्सीलको निमन्त्रणमा सहभागीता जनाएर रित (पप्पी फूल) चढाइएको हो ।
पहिलो र दोस्रो विश्वयुद्धदेखि लिएर अफगानिस्तान, कोशोभो, इराकका युद्धहरुमा हालसम्म ज्यान गुमाउने सैनिक तथा सिभिलियन, महिला तथा पुरुषको सम्झना तथा सम्मानमा यो कार्यक्रम आयोजना गरिएको अध्यक्ष राईले जानकारी दिएका छन् ।

प्रत्येक वर्ष नोभेम्बर ११ को नजिकैको आइतबारलाई ‘रिमेम्बरेन्स डे’ मानेर ल्याएको कार्यक्रम रोयल ग्यारिजन चर्च अल्डरसट नजिकै रहेको मुन्सिपल गार्डेनमा सम्पन्न भएको थियो ।

उक्त कार्यक्रममा अल्डरसट ग्यारिजन, रोयल ब्रिटिस लिजन, रसमोर बरो काउन्सिललगायत विभिन्न सैनिक संगठनबाट सहभागीता जनाएका विभिन्न १६ समूहले रित चढाएको अध्यक्ष राईले बताए ।