हामी सबैकाे संसारन्यूज

२७ कार्तिक,काठमाडौं । १९ वर्षीया महिलालाई जबरजस्ती करणी उद्योग गरेको अभियोगमा एक युवालाई मंगलबार राति प्रहरीले पक्राउ गरेको छ । अर्जुनचौपारी गाउँपालिका-३ गहते का २७ वर्षीय खेम बहादुर नेपालीलाई प्रहरीले पक्राउ गरेको हो ।

खेम बहादुरले ती महिलालाई सोमबार राति घरमै सुतीरहेको अवस्थामा जबरजस्ती करणी गर्ने प्रयास गरेको भन्ने खबर प्राप्त भएछि जिल्ला प्रहरी कार्यालय स्याङ्जाबाट खटिएको प्रहरीले उनलाई पक्राउ गरेको हो ।

खेम बहादुरलाई जबरजस्ती करणी उद्योग मुद्दामा जिल्ला अदालत स्याङ्जाबाट ७ दिनको म्याद थपको अनुमति लिई थप अनुसन्धान कार्य भइरहेको जिल्ला प्रहरी कार्यालय स्याङ्जाले जनाएको छ ।