हामी सबैकाे संसारन्यूज

८ मंसिर, काठमाडौँ । करदाता सेवा कार्यालय इलामका कर्मचारी मोहनलाल ढकाल घुस सहित पक्राउ परेका छन् ।

निज ढकालले फर्मको स्थायी लेखा नम्बर (एब्ल्) लिनका लागि दर्ता प्रक्रिया मिलाइदिने भनी सेवाग्राहीसँग घुस माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोगको टोलीले निज ढकाललाई सेवाग्राहीबाट १० हजार घुस लिएको अवस्थामा पक्राउ गरेको हो ।

अनुसन्धानको सिलसिलामा निज मोहनलाल ढकालले उक्त रकम लिएको पुष्टि हुन आएकोले निजको उक्त कार्य भ्रष्टाचार निवारण ऐन बमोजिम जरिवाना र कैद सजाय हुन मागदावी लिई आज विशेष अदालत, काठमाडौंमा आरोपपत्र दायर गरेको अख्तियारले जनाएको छ ।