हामी सबैकाे संसारन्यूज

डा. देवी पन्थी, विराटनगर

रूप जसको हुन्छ ऊ बम्किन्छ भन्ने छन् कुनै
मूर्ख मान्छे चर्ममा लोभिन्छ भन्ने छन् कुनै

जो छ सोझो गाउँघरमा काल उसकै आउँछ
वृक्ष सोझो जुन छ त्यो काटिन्छ भन्ने छन् कुनै

कामपर्दा तर्किने मान्छे कसैको होइन
मूढलाई काममा जोतिन्छ भन्ने छन् कुनै

बुद्धिमानीका कुरा बेग्लै हुनाले खासमा
भोकमा ऊ के गरी जोगिन्छ भन्ने छन् कुनै

जो इमानी बन्छ आफैं दैनिकीको काममा
काम राम्रोसँग हुँदा मच्चिन्छ भन्ने छन् कुनै

बहर : रमल मुसम्मन महजुफ
अर्कान : फाइलातुन् , फाइलातुन् , फाइलातुन् , फाइलुन्
वजन : २१२२ – २१२२ – २१२२ – २१२
काफिया बन्धन : इन्छ
रदिफ : भन्ने छन् कुनै
अभ्यास : हाम्रो गजल पाठशाला