Sansar News
काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक प्रधानमन्त्री निवास बालुवाटारमा बसिरहेको छ । बैठक साढे १ बजे सुरु भएको थियो ।
बैठकमा पार्टी अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’ले पेश गरेको राजनीतिक प्रस्तावमाथि छलफल भईरहेको छ ।
गत कात्तिक २८ मा बसेको सचिवालय बैठकमा प्रचण्डले बहुमत सचिवालय सदस्यको सहमतीसहित प्रस्ताव पेश गरेका थिए । १९ पृष्ठको उक्त प्रस्तावमा ओलीको कार्यशैली र विभिन्न निर्णयहरुको आलोचना गरिएको छ ।
प्रचण्डको उक्त प्रस्तावमाथि जवाफी प्रस्ताव स्वरुप गत मंसिर १३ मा बसेको सचिवालय बैठकमा ओलीले बेग्लै प्रस्ताव पेश गरेका थिए । जसमा उनले प्रचण्डमाथि विभिन्न आरोप लगाएका छन् । साथै उनले प्रचण्डलाई पार्टी विभाजनको अनौपचारिक घोषणा गरेको आरोप पनि लगाएका छन् ।
मंगलबारको बैठकमा दुवै प्रस्तावमाथि छलफल भईरहेको छ । जनाइएअनुसार प्रचण्डले लिखित रुपमै ओलीको प्रस्तावको जवाफ तयार पारेका थिए ।
सम्बन्धित समाचार
नेकपाको सचिवालय बैठक बालुवाटारमा सुरु, ओलीको प्रस्तावमाथि छलफल हुने
नेकपा सचिवालय बैठक बस्दै, ओलीको प्रश्नको जवाफ दिने तयारीमा प्रचण्ड
पार्टी विवाद चुलिएको बेला केक काटेर सुरुवात गरियो सचिवालय बैठक
वि.सं.२०७७ मंसिर १६ मंगलवार १६:१० मा प्रकाशित
