हामी सबैकाे संसारन्यूज

पुस ७, काठमाडौं । नेकपाका कार्यकारी अध्यक्ष पुष्पकमल दाहाल ‘प्रचण्ड’ले अर्का अध्यक्ष एवं प्रधानमन्त्री केपी शर्मा ओलीले बोलाएको केन्द्रीय समितिको बैठकलाई नौटंकीको संज्ञा दिएका छन् । बानेश्वरस्थित एक पार्टी प्यालेसमा आफुँ पक्षीय केन्द्रीय समिति बैठकलाई सम्बोधन गर्दै उनले यस्तो बताएका हुन् ।

उनले ओली पक्षले केन्द्रीय समिति विस्तार गर्ने गरेको निर्णयमाथि प्रश्न गर्दै उक्त निर्णय वैधानिक संस्थाले स्वीकार गर्न नसक्ने बताए ।

‘आज बिहान बालुवाटारमा जे भयो त्यो नौटंकी हो, एक तिहाईभन्दा कम सदस्य उपस्थित भएका दुई तिहाईभन्दा बढि सदस्य थप्न मिल्छ ? ’प्रचण्डको प्रश्न छ, ‘यस्तो निर्णयलाई निर्वाचन आयोगमा बुझाउनु नौटंकी बाहेक केही होइन, यस्तो नौटंकीलाई निर्वाचन आयोगजस्तो वैद्यानिक संस्थाले मान्यता दिन सक्दैन् ।’

प्रचण्डले संसद विघटन नभएको भन्दै उनले अदालतबाट संसद पुनस्र्थापना हुने बताए । ‘हामी लिडिङ पार्टी हौ। अरू कुनै पार्टी पनि विघटन मान्न तयार छैनन्। हामीले अदालतमा अपिल गरेका छौं। अदालतबाट संसद पुनर्स्थपना हुन्छ’, उनले भने।

बैठकलाई सम्बोधन गर्दै उनले ओलीको कार्यशैली आपत्तिजनक रहेको पनि टिप्पणी गरे । ओलीले बैठकमा अरुले बोल्नै नपाउने भन्नै शैली अपनाएको भन्दै त्यो अधिकार कसले दियो भन्ने प्रश्न पनि गरे ।

उनले भने, ‘ुहामीले तयार पारेको प्रस्तावलाई छलफल गराउनै चाहनुभएन्। आरोपत्र भन्नुभयो। सचिवालय बैठकमा बोल्नै नपाउने। पार्टीको कार्यकारी अध्यक्षले बोल्नै नपाउने बोल्नै नदिने अधिकार उहाँलाई कसले दियो ?’