Sansar News
९ पुस, काठमाडौं । नेपाली कांग्रेसले प्रधानमन्त्री केपी शर्मा ओलीद्धारा गरिएको ससंसद विघटनको विरुद्धमा पुस १३ गते देशैभरी आन्दोलन गर्ने घोषणा गरेको छ ।
मंगलबारदेखि बसेको नेपाली कांग्रेसको केन्द्रीय समितिको बैठकले नेपाल कम्युनिष्ट पार्टी नेतृत्वको सरकारले गरेको प्रतिनिधिसभाको असंवैधानिक र अलोकतान्त्रिक कदमविरुद्ध पुस १३ गते (सोमबार) १६५ संघीय निर्वाचन क्षेत्रमा कार्यसमितिको आयोजनामा एकसाथ प्रदर्शन गर्ने निर्णय गरेको हो ।
सानेपामा बसेको केन्द्रीय समितिको आजको बैठकमा पार्टीका उपसभापति विमलेन्द्र निधी र केन्द्रीय सदस्यहरु प्रकाशमान सिंह, अर्जुन नरसिंह केसी लगायतले आ–आफ्ना धारणा राखेका थिए ।
बैठक शुक्रबार १ बजे पुनः बस्ने पार्टीका मुख्यसचिव कृष्ण प्रसाद पौडेलले जानकारी दिएका छन् ।
वि.सं.२०७७ पुस ९ बिहीवार १८:१७ मा प्रकाशित
