Logo
१० कार्तिक २०७८, बुधबार
     Wed Oct 27 2021
E-paper
  English Edition
   Unicode
Logo

छ गाविसमा अनुदान सम्झौता पूरा



४ माघ,  दोलखा । यहाँका छ गाविसका सम्पूर्ण भूकम्पपीडितसँग अनुदान सम्झौताको काम सकिएको छ ।

जिविस दोलखाका सूचना अधिकृत विक्रम कार्कीका अनुसार  िगौरीशङ्कर, लादुक, ओराङ, बाबरे, लापिलाङ र सहरे गाविसका सम्पूर्ण पीडितसँग अनुदान सम्झौताको काम सकिएको हो ।  गौरीशङ्करका लाभग्राही सूचीमा नाम समावेश भएका करिब तीन सय ७१ घरधुरीमध्ये सबै घरधुरीले अनुदान सम्झौता गरेको कार्कीले बताउनुभयो ।

यसैगरी लादुकमा  करिब एक हजार २५ घरधुरी रहेकामा सबैले अनुदान सम्झौता भइसकेको तथा ओराङमा रहेका चार सय ८६ घरधुरी रहेकामा ती सबैले अनुदान सम्झौता गरी पहिलो किस्ताको रकम बैंक खातामा निकासा गरिएको जिविस जनाएको छ ।

यसैगरी सहरेका आठ सय ६० घरधुरी र बाबरे गाविसका एक हजार ४५ घरधुरी र लापिलाङ गाविसका एक हजार ४१३ घरधुरीमध्ये सबै घरधुरीसँग अनुदान सम्झौताको काम सम्पन्न भएको जिविसले जनाएको छ ।

अनुदान सम्झौताको काम सुरु भएको दुई नगरपालिकासहित ४६ गाविसमध्ये छ गाविसमा मात्रै सम्पूर्ण पीडितसँग अनुदान सम्झौताको काम सकिएको हो । अन्य गाविसमा पनि अनुदान सम्झौताको काम करिब करिब अन्तिम चरणमा पुगेको तर कतिपय घरमूली जिल्ला बाहिर रहेकाको बाँकी रहेको बताइएको छ ।

एक सय आयोजना कार्यान्वयन

हिमाली उपआयोजनाअन्तर्गत एक सय ४९ आयोजना सम्झौता भई कार्यान्वयन भइरहेका छन् ।

जिल्ला पशुसेवा कार्यालयका प्रमुख वरिष्ठ पशु विकास अधिकृत ज्ञानबहादुर थापाले ती आयोजनामध्ये सबैभन्दा बढी ४६ वटा बाख्रापालनसम्बन्धी उपआयोजना सञ्चालनमा रहेको बताउनुभयो ।

हिमाली आयोजनाका वरिष्ठ कार्यक्रम अधिकृत सन्ध्या न्यौपानेले विसं २०६७ । ६८ देखि सुरु भएको उच्च पहाड कृषि व्यवसाय तथा जीविकोपार्जन सुधार आयोजना हिमाली आगामी वर्ष कात्तिकसम्म सञ्चालन हुने जानकारी दिनुभयो ।

आयोजनाको बजेट रु तीन अर्ब १४ करोड २८ लाख  छ । हिमाली उपआयोजना व्यवसायीले उपआयोजनाबाट आफ्नो जीवनस्तर उकासिनाका साथै बेरोजगारलाई समेत रोजगारी दिन सफल भएको बताएका छन् ।


यो खबर पढेर तपाईलाई कस्तो महसुस भयो ?

काठमाडौं । बुधबार बेलुका सिंहदरबारमा अचानक गोली चलेको छ । तर, उक्त गोलीले कसैलाई

काठमाडौं । गैरआवासीय नेपाली संघको फाउण्डेशन विधिवत रुपमा दर्ता भएको छ । गैरआवासीय नेपाली

बलिउड नायिका कटरिना कैफले आफ्ना प्रेमी नायक विक्किी कौसलसँग लगन गाँठो कस्ने भएकी छन्

काठमाडौं । एकसातादेखि निरन्तर बढिरहेको सुनको मूल्य आज एकैदिन ६०० रुपैयाँले घटेक छ ।

काठमाडौं । यातायात व्यवस्था विभागले मंगलबारदेखि सवारी चालक अनुमति पत्र (लाइसेन्स)को नयाँ आवेदन खुलाएको