Sansar News
२३ पुस, काठमाडौं । राष्ट्र बैंकले अब माघ १ गतेदेखि अन्य बैंकको एटिएम प्रयोग गर्दा शुल्क लाग्ने जनाएको छ ।
बैकले विहिबार एक सूचना जारी गर्दै एउटा बैंक तथा वित्तीय संस्थाले जारी गरेका एटिएम कार्ड स्वेदश भित्रै अर्को बैंक तथा वित्तिय संस्थाको एटिएममा प्रयोग गर्दा शुल्क लाग्ने जनाएको हो ।
बैंकका अनुसार मासिक न्यूनतम २ वटा कारोबार सम्म निःशुल्क गर्न सकिने तर, दुई भन्दा बढी कारोबारको हकमा भने प्रति कारोबार २० रुपैयाँ सम्म शुल्क लिएर प्रयोग गर्न पाउने सूचना जारी गरेको छ ।
कोरोना महामारीका कारण बैंकहरुले गत चैतदेखि अन्तर बैंकिङ एटिएम प्रयोगमा निःशुल्क गरेका थिए ।
वि.सं.२०७७ पुस २३ बिहीवार २०:२३ मा प्रकाशित
