हामी सबैकाे संसारन्यूज

१.
तिम्रो यादले जल्छ मुटु, आगो चाहिंदैन
चङ्गासरी उड्छ यो मन, धागो चाहिंदैन ।।
तिम्ले धोका दियौ माया, शब्दै झुठो लाग्छ
बिश्वास मर्न अब कुनै,लागो चाहिंदैन ।।
२.
आगनीमा बसी आमा, टोलाउँदैछिन घरी घरी
परेलीले आँशु छेकी,लोलाउँदैछिन घरी घरी ।।
बर्षौं पहिले सहिद भाको, छोरो देखी फर्किएको
सपना मै झस्किएर,बोलाउँदैछिन घरी घरी ।।
३.
राष्ट्रियता झल्काउँदै,लाली गुराँस फुल्छ्न् बनमा
कोइली गाउँछन् बिरहले, डाँफे डुल्छन् बनमा ।।
पशुपन्छी खेल्छन लगाई,जङ्गल सँग मिठो नाता
सौन्दर्यता पोखी मिठास सुनाखरी झुल्छन् बनमा ।।
४.
मन् फुरूङ्ग भएर कहिले, झर्ना जस्तै झरिदिन्छ
फूलै फूलको बहार झैं, कहिले सुवास छरिदिन्छ ।।
कल्कलाउने कोपिलामै,कति जीवन फूल्न नपाई
हुरी आइ कहिले काहिँ, तहस नहस गरिदिन्छ ।।
५.
मातृभूमि आमा समान, वचनलाई शुद्द गरौं
रगतको खेल बन्द गरी, चित्त अब बुद्ध गरौं ।।
खुकुरीलाई दापमा राखी, बिर्काेखोलौं कलमको
हतियारको हैन हजुर, बिचारको युद्ध गरौं ।।