हामी सबैकाे संसारन्यूज

पुस २९, काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले पार्टीको नाम र चुनाव चिन्ह सुर्य आफ्नो पक्षमा आउने बताएका छन् । बुधबार आफुँपक्षीय नेकपाको काठमाडौं भेलालाई सम्बोधन गर्दै उनले संविधान र ऐनअनुसार पार्टीको आधिकारिकता आफ्नो हुने बताए ।

‘म तपाईँहरुलाई विश्वास दिलाउँछु, निर्वाचन आयोगको तर्फबाट विधिसम्मत हुन्छ, ढुक्क हुनुस भन्नुभएको छ, तपाईँहरुलाई पनि भन्न चाहन्छु निर्वाचन आयोगले संविधान, विधान, ऐन, कानूनभन्दा बाहिर गर्नेछैन’, प्रचण्डले भने, ‘हाम्रो पार्टीको नाम र चुनाव चिन्ह सुर्य हाम्रै हुनेछ । म यो विश्वास दिलाउन चाहन्छु ।’

उनले निर्वाचन आयोगले पनि बेइमानी गरेमा देशमा आँधी हुरी आउने चेतावनी दिए । ‘केपी ओलीले संघीय लोकतान्त्रिक गणतन्त्रको मुटुमाथि छुरा प्रहार गरेजस्तै यदि अरु संवैधानिक निकायले पनि त्यहि गर्न थाले भने यो देश, यी नेपाली जनता हेरेर बस्न सक्छन् ? हेरेर बस्न सक्दैनन्, यहाँ आँधी हुरी बतास आउँछ’, प्रचण्डले भने, ‘त्यस्तो हुने छैन्, मैंले निर्वाचन आयोगलाई पनि सर्वोच्च अदालतलाई पनि भरोसा गर्न चाहन्छु ।’

सम्बन्धित समाचार

ओलीप्रति संकेत गर्दै प्रचण्डले भने – हामी कमेडी शो गर्न उपस्थित छैनौं