Sansar News
अमेरिकामा नेपाली भाषाको बाल शिक्षा अनलाइन क्लास संचालन भएको छ । जनवरी २४ का दिन एक भर्चुअल कार्यक्रममार्फत बाल शिक्षा अनलाइन क्लास उद्घाटन गरिएको हो ।
जि .बि .एल .ओ अध्यक्ष कर्ण गुरुङको सभापतित्व तथा सुरेन्द्र परदेशीको प्रमुख आतिथ्यमा रहेको उक्त कार्यक्रमको संचालन देवी राईले गरेकी थिइन् ।
कार्यक्रममा वरिष्ठ साहित्यकार गोबिन्द गिरि प्रेरणा, डा. भिम खतिवडा , शिक्षाविद् हेमन्त लामा, वरिष्ठ साहित्यकार डा. मधु माधुर्य श्रेष्ठ लगायत अन्य अतिथिले नेपाली भाषाप्रतिको मोह र आवस्यकता बारेमा बताउँदै नयाँ पुस्तालाई वैज्ञानिक तरिकाले शिक्षा दिन सकेमात्र फलदायी हुन सक्ने बताएका थिए ।
कार्यक्रममा यदु अधिकारी र लक्की राशिले सृजना वाचन गरेका थिए भने कार्यक्रमको अन्तिम प्रहरमा बालबालिकाहरुले केहि मौलिक गीत तथा भजन गाएका थियो ।
कक्षाका लागि आवस्यक सामग्रीको जोहो समेत भइसकेको जनकारी दिँदै आइतबारदेखि सञ्चालन हुने कक्षाका लागि आफ्ना नानीहरूको फारम भरिदिन हुन् संस्थाका अध्यक्ष कर्ण गुरुङले अभिभावकहरुलाइ अनुरोध गरेका थिए ।
वि.सं.२०७७ माघ १४ बुधवार १५:५७ मा प्रकाशित
