हामी सबैकाे संसारन्यूज

जब धन बोल्न थाल्छ
अनि,
सत्य चुप लाग्छ ।

धनको मादकताले
मान्छे चक्षु भएर पनि अन्धो बन्छ
अहंकारी, दम्भि र अविवेकि हुन्छ ।

जस्को अन्त हुनुछ वा हुँदैछ
पहिले उस्को मति भ्रष्ट हुन्छ
गति भ्रष्ट हुन्छ
अनि,
बिस्तारै बिस्तार जे जति जति छ
सबै भ्रष्ट नष्ट हुन्छ ।

त्यसैले होला,
जहाँ धन बोल्छ
त्यहाँ सत्य चुप लाग्छ
किन कि धनको उन्मक्ता र मादकता
यौटा रति र गतिमा पुगेर
आफै शिथिल र अवसान हुन्छ ।

हातले आँखा छोपेर
संसार छैन भनि
एकछिन भ्रम छर्न त सकिन्छ
तर
सत्यलाई सधैंभरि ओझेल राख्न सकिन्न
सत्य, सत्य हो
ढिलो वा चाडो
बेर वा अबेर
एक न दिन यो उजागर हुन्छ ।

अनि,
जब सत्य बोल्न थाल्छ
धन निरीह बन्छ ।