Sansar News
१० माघ, रसुवा । दक्षिणी रसुवाको कालिकास्थानमा बिभोर सोसाइटी डेभलपमेन्ट बैंकको ४४ औँ शाखा सञ्चालनमा आएको छ ।
यसअघि रसुवाकै धैबुङमा बैंकले ४३ औँ शाखा विस्तार गरिसकेको बैंकका सञ्चालक हरिप्रसाद रिमालले जानकराी दिनुभयो । कालिकास्थानमा बंैक स्थापनापछि स्थानीयवासीलाई बैंकिङ कारोबारमा सहज हुने भएको छ ।
माघ ७ गते बैंकको शाखा विस्तारलगत्तै पहिलो दिनमै एक सय ६४ जनाले नयाँ खाता खोली रु ६४ लाख रकम बचत गरिसकेका छन् । शाखाको नेपाल राष्ट्र बैंकका डेपुटी गभर्नर चिन्तामणि सुवाकोटीले उद्घाटन गर्नुभएको थियो । बैंकले गत वर्ष नुवाकोटका देवीघाट र ढिकुरेमा समेत शाखा विस्तार गरी सेवा दिइरहेको छ ।
वि.सं.२०७३ माघ १० सोमवार १४:२७ मा प्रकाशित
