हामी सबैकाे संसारन्यूज

३ फागुन, काठमाडौँ । साताको दोस्रो दिन सोमबार सेयर बजारमा हरियाली देखिएको छ । आईतबार ३३ अकंले ओरालो लागेको बजार सोमबार भने झण्डै १ सय अकंले बढेको छ ।

आज बजार परिसूचक ९२ दशमलव ४२ अकंले बढेर समग्र परिसूचक २५८६ दशमलव ०१ बिन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि १५ दशमलब ३३ अकंले बढेर ४६९ दशमलब ४४ अकंमा पुगेको छ ।

आज सबै कम्पनीका लगानीकर्ताहरुले उच्च अकंले कमाएका छन ।

आज कुल सूचिकृतमध्ये २०५ कम्पनीका १० अर्ब ३८ करोड ४१ लाख ९७ हजार ६६९ रुपैंया बराबरको २ करोड २४ लाख ४७ हजार १५७ कित्ता सेयर किनबेच भएको छ । तिनको कारोबारमा ६८ हजार ३ सय १९ पटक लेनदेन भएको छ ।

कारोबार रकमको आधारमा निर्धन उत्थान लघृवित्त, नविल बैंक, छिमेक लघुवित्त, डिप्रोक्स लघुवित्त लगायतका कम्पनीहरु शिर्ष स्थानमा रहे भने कारोबार संख्याको आधारमा सानिमा इक्वीटी फण्ड, नविल ब्यालेन्सड फण्ड, एनआईसी एशिया ब्यालेन्सड फण्ड, ग्लोबल आईएमई बैंक लगायतका कम्पनीहरु शिर्ष स्थानमा रहे ।

आज सबै भन्दा धेरै छिमेक लघुवित्त कम्पनीका लगानीकर्ताहरुले कमाएका छन । उनीहरुले १० प्रतिशतले कमाएका छन । त्यस्तै ग्रामिण लघुवित्त, मिथिला लघुवित्त, किसान लघृवित्त लगायतका लगानीकर्ताहरुले उच्च अकंले कमाएका छन भने पञ्चकन्या माई हाइड्रोपावर, सानिमा बैंक डिबेंचर, एनआईसी एशिया डिबेंचर लगायतका लगानीकर्ताहरुले गुमाएका छन ।

आज भएको कारोबारमा १६८ कम्पनी लागनीकर्ताले कमाउदाँ २ कम्पनीमा लगानीकर्ताले गुमाएका छन भने ५ कम्पनीको सूचकमा कुनै पनि फेरबदल भएको छैन ।