हामी सबैकाे संसारन्यूज

३ फागुन, काठमाडौं । नेपालबाट रुसमा अवैद्य लागूऔषध पठाउने लमजुङका टेक बहादुर राउत पक्राउ परेका छन् ।

बेशीसहर नगरपालिका १० का ५२ वर्षीया टेक बहादुर राउतलाई ललितपुर महानगरपालिका ३ पुलचोकबाट प्रहरीले पक्राउ गरेको हो ।
प्रहरीका अनुसार नेपालबाट पठाउनेमा किर्ती क्राफ्ट लिमिटेड काठमाडौं र रुसमा पाउने ठेगाना Gorbtchena, [Gorbacheva] Irina Nikolaevna, 89, building4, Bulatnikovskaya str., apt. 45, Mscow लेखिएकोMetallic  canisters   भित्रबाट उक्त चरेश बरामद गरिएको हो ।
उक्त घटनामा (Illegal Drug Trafficking and Smuggling of Drugs)  मुद्दामा रुसमा अनुसन्धान भइरहेको र रुस सरकारबाट पारस्परिक कानुनी सहायताका लागि लागूऔषध व्युरो नियन्त्रण कोटेश्वरमा पत्र प्राप्त भएपछि व्युरोबाट खटिएको टोलीले शुक्रबार राउतलाई पक्राउ गरेको प्रहरीले जनाएको छ ।

उनीमाथि लागूऔषध चरेश कारोबार मुद्दामा थप अनुसन्धान भइरहेको पनि प्रहरीले जनाएको छ ।