हामी सबैकाे संसारन्यूज

फागुन ३, काठमाडौं । सर्वोच्च अदालतका चार पूर्वप्रधानन्यायाधीशहरुलाई अदालतको अपहेलना मुद्दामा फागुन ६ गतेका लागि तारिख तोकिएको छ । चार पूर्वप्रधानन्यायाधीश मिनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीले सोमबार स्वंय उपस्थित भएर लिखित जवाफ पेश गरेसँगै अदालतले तारिख तोकेको हो ।

अदालतमा जवाफ बुझाएपछि सात दिनको म्याद दिने व्यवस्था छ । तर, पूर्वप्रधानन्यायाधीशरुले त्यो प्रतिक्षा नगरी छिटो तारिखको माग गरेका थिए ।

गत पुस २४ मा चार पूर्वप्रधानन्यायाधीशहरुले संयुक्त रुपमा विज्ञप्ती निकाल्दै प्रधानमन्त्रीले संविधानको गलत व्याख्या गरी प्रतिनिधिसभा विघटन गरेको बताएका थिए ।

याे पनि…

केछ चार पूर्वप्रधानन्यायाधीशले अदालतलाई बुझाइएको लिखित जवाफमा ? हेर्नुहोस् पूर्णंपाठ

अपहेलना मुद्दा : लिखित जवाफ लिएर सर्वोच्च अदातल पुगे चार पूर्वप्रधानन्यायाधीश

प्रतिनिधिसभा विघटन असंवैधानिक भन्दै संयुक्त वक्तव्य जारी गरेपछि उनीहरुविरुद्ध अदालतको अवहेलनाको मुद्दा परेको थियो । त्यसको प्रारम्भिक सुनुवाइ गर्दै १५ माघमा न्यायाधीश मनोज शर्माको एकल इजलासले ७ दिनभित्र आफैं उपस्थित भएर लिखित जवाफ पेश गर्न आदेश दिएको थियो ।

जुन आदेशअनुसार नै सोमबार चार पूर्वप्रधानन्यायाधीश अदालतमा उपस्थित भएका जवाफ बुझाएका हुन् ।

जवाफमा न्यायाधीशहरुले प्रतिनिधिसभा विघटनको मुद्दामा सार्वजनिक चाँसो र सरोकारको विषय रहेको भन्दै उक्त विषयमा नागरिकले आफ्नो भनाईहरु राख्नु विधिशास्त्रिय हिसाबले स्वीकार्य भएको दाबी गरेका छन् । जवाफमा न्यायाधीशहरुले विघटनलाई वैद्य भन्दा अदालतको सम्मान र अवैद्य भन्दा अदालतको अपहेलना भनि ठान्नु आफैंमा द्धैद्य शैली भएको पनि बताएका छन् ।