हामी सबैकाे संसारन्यूज

भारतको लक्ष्मीनगरमा सिए अध्ययनरत नेपालीहरु विद्यार्थीहरुको संस्था ‘नेपलिज स्टुडेन्ट हेल्पिङ ह्याण्डस्’ ले आफ्नो तेस्रो वार्षिक उत्सव तथा साधारण सभा सन्पन्न गरेको छ । आईटीओ स्थित राजा राममोहन रोय मेमोरियल हलमा सम्पन्न उक्त सभाले विवेकविक्रम सिजापतिको अध्यक्षतामा १५ सदस्यीय नयाँ कार्यसमिति चयन गरेको छ । त्यसैगरी उपाध्यक्षमा अरविन्द चौरसिया, सचिवमा निर्मल मरासिनी, सहसचिवमा राजेश रिजाल, कोषाध्यक्षमा मनिष कुमार देव लगायत रहेका छन् । सहभागिहरुलाई भोटिङ मार्फत नै आफ्नो प्रतिनिधि चुन्ने व्यवस्था मिलाइएको थियो ।
नवनिर्वाचित अध्यक्ष सिजापतिले लक्ष्मीनगरसहित दिल्लीका विभिन्न स्थानमा रहि अध्ययनरत नेपाली विद्यार्थीहरुको हक हित एवम् समस्या समाधानका लागि सक्रिय रुपमा लाग्ने प्रतिबद्धता व्यक्त गरेका छन् ।
सो अवसरमा विद्यार्थीहरुले एक वृहत नेपाली साँस्कृतिक कार्यक्रमको आयोजना समेत गरेका थिए ।