हामी सबैकाे संसारन्यूज

१.
अहिले जे जस्तो गरे समयानुकूल चल्नेले गरे
साम्यवादी पिता ज्यूको तस्बिरमा फल्नेले गरे
जो थियो ठिकै थियो अझै झन् ठिकै भएको छ,
बर्तमानमा यो परिवर्तन त तक्दिर बल्नेले गरे ।।

२.
जति मिठो बोल्दापनी खै किन ? हप्काउंछ्यौ
तिखो शव्द हतियार बनाएर छप्काकाउंछ्यौ
दुखाएर यो छातीको कर्ण कवच झिकेपछि,
त्यसैमाथी गोही आँसु तप्प तप्प तप्त्काउंछ्यौ ।।

३.
कति गाउँ वस्ती झन् कति शहर खाएका छन्
समृद्धिको नाममा जनताको रहर दवाएका छन्
हिजोको झुठ सच्याएर सत्य बोल्नुस महाशय,
आस्थाको पुल–पुलेसा अनि नहर भत्काएका छ्न् ।।

४.
बाटो बिराएर हिड्नेलाई बाटोको मूल्य थाहा हुदैन
धर्म संस्कृति अडिने त्यो पाटोको मूल्य थाहा हुदैन
बिना तुकको भाषण छाट्छ्न समृद्धिको नाम लिदै,
जो मरितूल्य छ उसलाई माटोको मूल्य थाहा हुदैन ।।

५.
कति निर्दयी भाग्य बिद्याता छलेर जान्छ
आलो घाउमा झन् नुनचुक दलेर जान्छ
बाँच्नलाई झनै कठिन मन पोल्छ भतभती,
धरहरा झैँ आकांक्षा गर्ल्याम्म ढलेर जान्छ ।।