हामी सबैकाे संसारन्यूज

फागुन २१,काठमाडौं । सरकार र नेत्रविक्रम चन्द ‘विप्लव’ नेतृत्वको नेकपाबीच भएको सहमतीमा आज हस्ताक्षर हुँदैछ । बिहिबार भएको सहमतीअनुसार तयार पत्रमा सरकारको तर्फबाट प्रधानमन्त्री केपी शर्मा ओली र नेकपाको तर्फबाट पार्टी महासचिव नेत्रविक्रम चन्द ‘विप्लव’ले सहमतीपत्रमा हस्ताक्षर गर्नेछन् ।

सहमती पत्रमा हस्ताक्षर अघि दुवैले सम्बोधन गर्ने कार्यक्रम पनि तय भएको छ । जसको लागि मञ्च तयार गरिएको छ ।

मञ्चमा प्रधानमन्त्रीलाई बेग्लै आशन

सरकारको तर्फबाट प्रधानमन्त्री ओली र नेकपाको तर्फबाट विप्लवबीच हस्ताक्षर हुँदै गर्दा मञ्च व्यवस्थापन भने प्रधानमन्त्रीलाई विशेष मानेर बनाइएको छ । मञ्चमा प्रधानमन्त्री ओलीको लागि विशेष आशन र अन्यको लागि सामान्य आशनको व्यवस्था गरिएको छ ।

समाचार तयार गर्दै गर्दासम्म मञ्चको बीचमा प्रधानमन्त्रीको लागि विशेष आसन छ भने दायाँ–बायाँ अन्यको लागि एउटै प्रकृतिको आसन व्यवस्था गरिएको छ ।

कार्यक्रम स्थलमा हालसम्म दुवै पक्ष उपस्थित भएका छैनन् । जनाइएअनुसार दुवै पक्ष केहि समयमै मञ्चमा आउँदैछन् ।