हामी सबैकाे संसारन्यूज

३ चैत, काठमाडौं । राष्ट्रपति विद्यादेवी भण्डारीले आज प्रमुख दलका शिर्ष नतोहरुसँग मुलुकको पछिल्लो अवस्थाबारे छलफल गर्ने भएकी छन् ।

राष्ट्रपति भण्डारीले पछिल्लो समयमा दलहरुबीच बढ्दै गएको तिक्तता तथा मुलुकको आन्तरिक समस्यालाई समझदारीबाट हल गर्नका लागि शिर्ष नेताहरुसँग छलफल गर्ने बताइएको छ ।

राष्ट्रपति कार्यालयका अनुसार आज दिउँसो ४ बजेका लागि शितलनिवासमा हुने उक्त छलफलमा पूर्वप्रधानमन्त्री तथा संघीय संसद्मा प्रतिनिधित्व गर्ने सबै दलका शिर्ष नेताहरुको सहभागिता रहनेछ ।

छलफलमा नेकपा एमाले, नेकपा माओवादी केन्द्र, जनता समाजवादी पार्टी, राप्रपा, मजदुर किसान पार्टी, राष्ट्रिय जनमोर्चाका शिर्ष नेताहरुलाई बोलाइएको राष्ट्रपतिका स्वकीय सचिव भेषराज अधिकारीले जानकारी दिएका छन् ।

प्रधानमन्त्री केपी शर्मा ओलीको सिफारिसमा प्रतिनिधिसभा विघटन भएपछि सर्वोच्च अदालतले त्यसलाई पुर्नस्थापनासँगै नेकपा एमाले र नेकपा माओवादी केन्द्रलाई व्युँताइदिएपछि मुलुकमा राजनीतिक संकट झन गहिरिदै गएको अवस्थामा राष्ट्रपतिको यो कदमलाई दलहरुबीच समझदारी बढाएर मुलुकलाई सहि ट्रयाकमा लैजान महत्वपूर्ण भूमिका खेल्ने विश्लेषण गरिएको छ ।