हामी सबैकाे संसारन्यूज

३ फागुन, काठमाडौं । नेकपा एमालेका उपाध्यक्ष वामदेव गौतमले आफ्नो समुहको बैठक बोलाएका छन् ।

गौतमका प्रेस सल्लाहकार विश्वमणि सुवेदीका अनुसार आज बिहान ११ बजे सिद्दी गणेश पार्टी प्यालेस बल्खुमा पार्टी एकता राष्ट्रिय अभियान’ को केन्द्रीय कार्यसम्पादन समितिको बैठक बस्ने भएको हो ।

प्रधानमन्त्री केपी शर्मा ओली तथा पुष्पकमल दाहाल ‘प्रचण्ड’ अध्यक्ष रहेको नेपाल कम्युनिष्ट पार्टी (नेकपा) विभाजित भएपछि उपाध्यक्ष गौतमले पार्टी एकताका लागि ‘पार्टी एकता राष्ट्रिय अभियान’ को थालनी गरेका थिए ।

सर्वोच्च अदालतले ओली–दाहाल नेतृत्वको नेकपालाइ बदर गर्दै ऋषि कट्टेल नेतृत्वको नेकपाको पक्षमा फैसला सुनाएर नेकपा एमाले र नेकपा माओवादी केन्द्र व्युँताइदिएपछि पछिल्लो अवस्थामा पार्टीभित्रै  र माओवादी केन्द्रसँगको एकतालाई कसरी अगाडि बढाउने भन्ने विषयमा आजको बैठकमा छलफल हुने पनि सल्लाहकार सुवदीले जानकारी दिए ।