हामी सबैकाे संसारन्यूज

१.
मिठा मिठा बात खोज्छन माया लाउनेहरु
फगत मधुर रात खोज्छन माया लाउनेहरु
फकाई फकाई अन्तरंग सबै हर्छन पहिला
अन्तमा चाँहि जात सोध्छन माया लाउनेहरु ।।
२.
निसास्सिएर आफ्नै हालमा रहन्छु बदनाम नगर
बरु खुल्ला भन अर्कै दिशा बहन्छु बदनाम नगर
दुनियााँ सामु अनेक कुरा लगाएर हिड्नु भन्दा त
चटक्कै झिकेर लैजाऊ मुटु सहन्छु बदनाम नगर ।
३.
अचम्म लाग्छ रुपैयाँ खर्चेर कसरि किन्छन खै
मन नभाका मान्छेले मन नै कसरि चिन्छन खै
धनकै दम्भमा कति मन निचोरिएका छन यहाँ,
यि मान्छेहरु धनसँग मन कसरि तौलिन्छन खै ?
४.
बासी भातलाई फ्राईङ्ग राईस रे कस्तो अचम्म छ ।
त्यहि खाँदा पनि भेरी नाईस रे कस्तो अचम्म छ ।
मासुसँग भुटेको भात मस्त चपाएको देखे पछि,
आहा बिरयानी कहाँ पाईस रे कस्तो अचम्म छ ।
५.
आउछन छेउछाउ घरिघरि बुझ्नै सकिएन
अनि गर्छन सक्दो मनपरी बुझ्नै सकिएन
भन्नेहरुले त तिम्रा आफ्नै मानिस भन्छन्,
फेरि किन रुवाउँछन धर्धरी बुझ्नै सकिएन ।