Sansar News
१
कुनैबेला आसा जगाउँदै आउँछ
समय पनि इन्द्रेणी झैं बहुरुपि पो हो कि
कहिले तमासा देखाउँदै आउँछ
२
गोरुहरू फाँटमा जुध्याछन्
घरि यौटाले ठेल्दै घरि अर्काेले पेल्दै
खोइकुनि के आँटमा जुध्याछन्
३
जित्न हौस्याउँदैछन मालिकहरू
मालिक रिझाउन जुध्नु नियति गोरुहरूको
अझै रौस्याउँदैछन मालिकहरू
४
खर्कमा गर्खेकाहरू जुध्छन
जहाँ रहेपनि स्वभावैले जुध्छन गोरुहरू
गोठमा फर्केकाहरू जुध्छन
५
गोरुजुधाई हेर्नेको आँखामा धुलो पर्छ
हार्ने खासमा तमासेहरूनै हुन यो रमितामा
कसैका आँखामा मिच्दामिच्दै फुलो पर्छ
वि.सं.२०७७ चैत ७ शनिवार ०६:२५ मा प्रकाशित
