हामी सबैकाे संसारन्यूज

७ चैत, काठमाडौं । जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले लोकतान्त्रिक गणतन्त्रको गर्धनमाथि झुण्डिएको खड्गप्रसादरूपी घातक खड्गलाई कसरी छिटो हटाउने भन्नेमा लाग्नुपर्ने बताएका छन् ।

डा. भट्टराईले अहिलेको अवस्थामा सत्ता समिकरण कोसँग गर्ने वा को बाट तत्काल लाभ लिने भन्ने नभएको बताउँदै भनेका छन् ‘ऐलेको यक्षप्रश्न कोसंग सत्तासमीकरण गर्ने वा कोबाट तत्काल बढी लाभलिने भन्ने हुँदैहैन;अपितु अधूरो संघीय लोकतान्त्रिक गणतन्त्रको गर्धनमाथि झुण्डिएको खड्गप्रसादरूपी घातक खड्गलाई कसरी छिटो हटाउने भन्ने हो !’

ऐलेको यक्षप्रश्न कोसंग सत्तासमीकरण गर्ने वा कोबाट तत्काल बढी लाभलिने भन्ने हॅुदैहैन;अपितु अधूरो संघीय लोकतान्त्रिक गणतन्त्रको गर्धनमाथि झुण्डिएको खड्गप्रसादरूपी घातक खड्गलाई कसरी छिटो हटाउने भन्ने हो!अगाडि आएको बाघलाई पहिले लघारौ;पछाडिका स्यालहरूसंग लड्दै गरौंला!कुनै गल्ती नगरौं!

— Baburam Bhattarai (@brb1954) March 20, 2021

सामाजिक संजाल ट्विटरमा लेख्दै डा. भट्टराईले भनेका छन ‘अगाडि आएको बाघलाई पहिले लघारौ;पछाडिका स्यालहरूसंग लड्दै गरौंला ! कुनै गल्ती नगरौं !’

जसपाभित्र एमाले वा माओवादी केन्द्र कसको पक्षमा लागेर सरकारमा सहभागी हुने भन्नेमा मत विभाजित भएको छ । जसमा बाबुराम भट्टराई र उपेन्द्र यादवको समूह जसरी पनि सरकारमा ओलीको विकल्प खोज्नुपर्ने बताउँदै ओली हटाउने अभियानमा लागेको छ भने महन्त ठाकुर र राजेन्द्र महतो पक्षले भने जसरी पनि ओलीसँग सहकार्य गरेर अगाडि बढ्ने भन्ने विषयमा गुटगत भेला गर्दै यसबारेमा छलफल चलाउँदै आएका छन् ।

ओलीको हस्तक्षेपसँगै जसपाभित्र चरम किचलो, गुटगत भेलासँगै बढ्यो विभाजनको त्रास