Sansar News
काठमाडौं । गायिका सन्ध्या बुढा (काउली बुढी) र गायक सविन चौहानको स्वरमा ‘बनमा बयर’ बोलको गीत रिलिज भएको छ । लोक लयको गीतमा शंकर थापा स्माइलको संगीत र डिपी खनालको शब्द छन् ।
‘वनमा बयर पाक्यो’ गीतको भिडियोमा डिमन क्षेत्री, रोनी, समारिका र स्मारिका ढकाल फिचर्ड छन् । बाल कलाकार स्नेहा चौंलागाईं, सरोग्य केसीलाई भिडियोमा देख्न सकिन्छ । विक्रम चौहानको निर्देशन तथा नृत्य निर्देशन रहेको भिडियोलाई अजय रेग्मी र समुहले खिचेको हो । सम्पादन मिलन विश्वकर्माले गरेका हुन् ।
वि.सं.२०७७ चैत १० मंगलवार १६:२९ मा प्रकाशित
